Gjennombrot innan cruise 1 + 9

Published

Ulstein Design & Solutions AS har vunne ein svært viktig kontrakt med China Merchants Group (CMG) som skal bygge eit ekspedisjonscruiseskip til skipseigar SunStone. Kontrakten inkluderer sal av ein design- og utstyrspakke til eitt skip, med opsjonar på heile ni fartøy.

-Vi har jobba systematisk med for å etablere oss i dette segmentet og skape innovative løysingar som dekker kunden sine behov. Kontrakten er eit svært viktig gjennombrot for oss innan dette segmentet . Med over 100 års erfaring innan skipsbygging og utvikling skal vi skape nye gode løysingar for våre kundar, seier Tore Ulstein, visekonsernsjef i Ulstein Group.

-Dette er ein strategisk svært viktig kontrakt for oss og vi er svært glade for at valet falt på oss som leverandør av design- og utstyrspakke. Samarbeidet mellom reiar, verftet, interiørdesignar, meglar, underleverandørar og våre eigne tilsette og dei andre partane som er involverte, seier administrerande direktør i Ulstein Design & Solutions AS, Eva Kristensen.

Fartøyet, som er av type ULSTEIN CX103, blir 104,3 meter langt og får ei breidde på 18,4 meter.  Skipet vil ha plass til 255 personar om bord. Skroget får polarklasse PC6 og utstyret har isklasse 1A. Skipet oppfyller krava for «Safe Return To Port» og Virtual Anchorage. Skipet skal byggast på verftet til China Merchants Heavy Industry for reiarlaget SunStone og skal leverast i 2019.

Ulstein Power & Control AS har også fått kontrakt på systemleveransar. Dette omfattar brusystemet ULSTEIN BRIDGE, kommunikasjons- og underhaldningssystemet ULSTEIN COM, det integrerte automasjonssystemet ULSTEIN IAS og powerpakka ULSTEIN POWER. Utstyrsleveransen er sett til første kvartal 2018.