Levering av hybrid havvindskip til Bernhard Schulte

Published


Ulstein Verft har i dag levert serviceoperasjonsskipet WINDEA JULES VERNE til Bernhard Schulte Offshore GmbH. Hybridskipet skal utføre service- og vedlikehaldsoppdrag for GE Renewable Energy på havvindfarmen Merkur Offshore.

På prøveturen til skipet vart alle system testa, inkludert hybridsystemet. Havvind er ei fornybar energikjelde, og ved å introdusere eit hybridsystem på eit slikt fartøy vil drivstofforbruket og utsleppa bli reduserte - og dermed vert service- og vedlikehaldsoppdraga meir berekraftige.

Fartøyet til Bernhard Schulte er basert på ULSTEIN SX195-designet frå Ulstein Design & Solutions AS. Det er 93,4 m langt og 18 m breitt. Det har innreiing for 120 personar. Fartøyet fungerer som ein "heim borte frå heimen" for mange serviceteknikarar og for mannskapet. Det er difor lagt stor vekt på å halde høg komfort for dei som er om bord. X-BOW® and X-STERN™ gir mjukare rørsler i møtande sjø, noko som reduserer slag og påfølgande vibrasjonar betydeleg. Dette gir auka kvalitet på søvn og kvile utanfor skifta. Der er fleire salongar, eit spelerom og eit bibliotek i sona rundt messa, treningsrom og saunaer.

Fartøyet er utstyrt med eit tårn med personell- og utstyrsheis og ei hivkompensert gangbru for sikker overgang til vindturbinane for å yte vedlikehald og service. I tillegg til å operere med baugen mot veret kan dette skipet også gå akterover med hekken fremst når det er i arbeid inne på vindfarmen. I tillegg kan det nytte eit mindre hjelpefartøy for å auke servicekapasiteten endå meir.

Merkur Offshore ligg utanfor Tyskland. Med sine 66 vindturbinar gir havvindparken grøn energi til om lag ein halv million husstandar.

Please contact us for more information

Companies

Contacts