Avdelingsleiar Plan
Ulstein Verft
Søknadsfrist: 20.03.2025
Vil du jobbe med skipsbygging i eit engasjert team?
Ulstein Verft bygger avanserte spesialfartøy og tilbyr eit breitt spekter av tenester innan nybygg og ettermarknad. Vi søker etter deg som har interesse for planlegging og ønsker å bidra til å vidareutvikle planfunksjonen i selskapet. Du vil leie eit inkluderande og fagleg sterkt team som er ein viktig del av planlegging og styring av prosjekta våre.
Praktiske opplysingar:
Søknadsfrist: 20.03.2025
Bedrift: Ulstein Verft AS
Arbeidsstad: Ulsteinvik
Tittel: Avdelingsleiar Plan
Tal stillingar: 1
Fulltid / deltid: Fulltid
Tilsettingstype: Fast stilling
Ledig stilling: Avdelingsleiar Plan
I over 100 år har vi utvikla framtidsretta produkt og tenester for den maritime næringa. Bli med på reisa vidare.
Arbeidsoppgåver
Avdelingsleiar plan får ansvar for å vidareutvikle bruk av IT system innan planfunksjonane, samt tilrettelegging av optimal bruk av ressursar og anlegg. Som avdelingsleiar vil du få ein innhaldsrik og variert arbeidsdag i tett samarbeid med store delar av organisasjonen vår.
Oppgåver du vil jobbe med er blant anna
- Fag- og systemansvarleg for metodikk, rutinar og prosessar innan planfunksjonen
- Tilrettelegge og assistere ved etablering av planar
- Rapportering og kontrollansvar for ressursar inn mot prosjekt
- Utarbeide og følge opp nøkkeltal for prosjekt
- Personalansvar for planleggarar
- Aktiv deltakar i utviklingsprosjekt
Kvalifikasjonar og erfaring
- Relevant utdanning og erfaring for å kunne leie og vidareutvikle planavdelinga
- Innsikt i skipsbygging og interesse for den maritime industrien
- Strukturert, framoverlent og nysgjerrig
- Trivast med lagarbeid og evne til å sjå moglegheiter for forbetring
Kvifor velje Ulstein som arbeidsplass
Ulstein Verft byr på variert jobb, gode kollega og moglegheit for personleg utvikling. Ulstein er ein trygg arbeidsplass med gode HMS verdiar, gode forsikrings- og pensjonsordningar samt fleksitidsavtale for våre tilsette.
Det er ei god kjensle å vere ein del av eit over 100 år gamalt selskap forbunden med kvalitet, pålitelegheit og leveringspresisjon.
I hjartet av Sunnmøre
Om du treng å flytte for å jobbe i Ulstein, så er Ulsteinvik og kommunene rundt ein flott plass å bu i hjartet av Sunnmøre. Det er kort veg til kino, konsertar, badeland, klivrehall, restaurantar og butikkar. Området er omkransa av fjell og turterreng til fots, på sykkel eller ski, og berre ein liten times reise til bylivet i Ålesund eller naturopplevingar i Sunnmørsalpane.
Kontakt
Lidvar Lillerovde
Manager Projects Newbuild
Telefon: +47 482 29 481
Ann-Kristin Hatløy Fiskaa
HR Advisor
Telefon: 950 22 468
Om Ulstein
ULSTEIN er ein internasjonalt anerkjend leverandør av skipsdesign, skipsbygging og systemløysingar for skip. I meir enn 100 år har vi utvikla framtidsretta produkt og tenester for det maritime miljøet, og visjonen vår er å skape morgondagens løysingar for berekraftige marine operasjonar. ULSTEIN har aktivitet i fleire land, med hovudkontor i Ulsteinvik på Sunnmøre. Konsernet har over 500 tilsette. Ulstein er ei lærlingbedrift og ei av hjørnesteinsbedriftene i kommunen.
Menneska i Ulstein er den viktigaste ressursen. Mangfald av ferdigheiter, personlegdommar, erfaring og bakgrunn skaper eit globalt team som kombinerer innovasjon, kvalitet og ekspertise.
Ulstein Verft bygger og leverer spesialfartøy i hovudsak innan offshoreenergi. Typiske prosjekt er bygging av avanserte skip med stor andel utrusting, som stiller høge krav til prosjektleiing, teknisk kunnskapsnivå og integrasjonskompetanse. Vår ekspertise innan engineering, installasjon og kommisjonering kjem til sin rett innan ettermarknadstenestene våre der vi leverer alle typar ombyggingar, reparasjonar og tørrdokkingar. Saman med Ulstein Elektro Installasjon er selskapet ein del av forretningsområdet Shipbuilding i ULSTEIN, og held ein høg standard innan kvalitet, gjennomføring og leveringspresisjon.