![Stålproduksjon verft folk 2](/imager/images/Other-pages/132345/Stålproduksjon-verft-folk_2_caa4b4ae46aab55a532384f647038474.jpg)
Industrimekanikar - avd. Maskin og Rør
Ulstein Verft
Søknadsfrist: 30.09.24
Vil du jobbe med skipsbygging i eit engasjert team?
Ulstein er eit familieeigd selskap som arbeider innan det maritime området. Vi designar, bygger og leverer løysingar til skip samstundes som vi tilbyr eit breitt spekter av tenester innan ettermarknad. Vi likar å utfordre bransjen og kome opp med løysingar som reduserer miljøavtrykk og gir kundane våre konkurransefortrinn. Verdiane våre - å engasjere, innovere og avansere - bidreg til å skape eit godt arbeidsmiljø og gjer Ulstein til ein trygg og ansvarleg samarbeidspartnar.
Ulstein Verft har aukande aktivitet og søker derfor etter fagleg sterke kandidatar som har ei interesse for skipsbygging og skipsoppgraderingar, og som ynskjer å utvikle og skape resultat saman med oss. Vi har gode produksjonsfasilitetar der arbeidet i all hovudsak føregår innandørs i vår utrustings- og dokkhall.
Intervju vert gjennomført fortløpande.
Praktiske opplysingar:
Søknadsfrist: 30.09.24
Bedrift: Ulstein Verft AS
Arbeidsstad: Ulsteinvik
Tittel: Industrimekanikar - avd. Maskin og Rør
Heiltid / Deltid: Heiltid
Tilsetjingsform: Fast stilling
Ledig stilling: Industrimekanikar - avd. Maskin og Rør
I over 100 år har vi utvikla framtidsretta produkt og tenester for den maritime næringa. Bli med på reisa vidare.
Oppgåver du vil jobbe med
Arbeidsoppgåvene er varierte, og kan blant anna innebere:
- Vedlikehald, reparasjonar og overhaling av maskinkomponentar
- Service og vedlikehaldsarbeid på propellar, thrusterar, kjølarar, pumper og liknande
- Montering av motorar, pumper, propellar etc.
- Installasjon av skipsmaskineri
Kunnskap og erfaring som gjer jobben lettare
Vi ønskjer søkarar med fagbrev som industrimekanikar eller andre relevante fagbrev. Relevant erfaring kan kompensere for fagbrev.
Oppgåvene som skal løysast krev ei praktisk og teknisk forståing - frå teikning til sluttprodukt. Det er derfor nyttig med erfaring frå skipsbygging og maritim verksemd. Det er også ein fordel å kunne norsk og engelsk for å kunne diskutere med kollegaer for å løyse oppgåvene.
Kvifor velje Ulstein som arbeidsplass
Ulstein er ein trygg arbeidsplass med gode HMS-verdiar, gode forsikrings- og pensjonsordningar og fleksitidsavtale for våre tilsette. Med godt humør og vilje til å bidra vil du passe godt inn hos oss. Det er ei god kjensle å vere ein del av eit over 100 år gamalt selskap forbunden med kvalitet, pålitelegheit og leveringspresisjon.
I hjartet av Sunnmøre
Om du treng å flytte for å jobbe i Ulstein, så er Ulsteinvik ein flott plass å bu i hjartet av Sunnmøre. Det er kort veg til kino, konsertar, badeland, klivrehall, restaurantar og butikkar. Omkransa av fjell og turterreng til fots, på sykkel eller ski. Bylivet i Ålesund eller naturopplevingar i Sunnmørsalpane er også berre ein times køyring frå Ulsteinvik.
Kontakt
Vidar Hungnes
Department Manager - Pipe & Machinery
Telefon: +47 909 60 746
![Ulstein Verft DJI 0125](/imager/images/34258/Ulstein_Verft_DJI_0125_4e2958073f72a203de067d9a635a8c59.jpg)
Om Ulstein
Ulstein er ein internasjonalt anerkjent leverandør av skipsdesign, skipsbygging og systemløysingar for skip. I meir enn 100 år har vi utvikla framtidsretta produkt og tenester for det maritime miljøet, og vår visjon er å skape morgondagens løysingar for berekraftige marine operasjonar. Ulstein har aktivitet i fleire land, med hovudkontor i Ulsteinvik på Sunnmøre. Konsernet har over 400 tilsette. Ulstein er ei lærlingbedrift og ei av hjørnesteinsbedriftene i kommunen.
Menneska i Ulstein er den viktigaste ressursen. Mangfald av ferdigheiter, personlegdomar, erfaring og bakgrunn skapar eit globalt team som kombinerer innovasjon, kvalitet og ekspertise.
Ulstein Verft bygger og leverer spesialfartøy i hovudsak innan offshoreenergi. Typiske prosjekt er bygging av avanserte skip med stor andel utrusting, som stiller høge krav til prosjektleiing, teknisk kunnskapsnivå og integrasjonskompetanse. Vår ekspertise innan engineering, installasjon og kommisjonering kjem til sin rett innan ettermarknadstenestene våre der vi leverer alle typar ombyggingar, reparasjonar og tørrdokkingar. Saman med Ulstein Elektro Installasjon er selskapet ein del av forretningsområdet Shipbuilding i ULSTEIN, og held ein høg standard innan kvalitet, gjennomføring og leveringspresisjon.