Med over 100 års erfaring innan skipsbygging er Ulstein ein sentral aktør i den norske maritime klynga, kjend for innovasjon innan skipsdesign og prosjektering av disse. Frå offshorefartøy som opererer i dei mest vêrharde havområda til ekspedisjonscruiseskip i polare strøk, har selskapet vist evne til å levere avanserte og pålitelege plattformer. Denne erfaringa er grunnlaget når Ulstein no utviklar konsept for standardiserte sjømilitære fartøy til Sjøforsvaret. Skipa skal dekke marinen sitt behov for avanserte, pålitelege og effektive fartøyplattformer. 

Sjøforsvaret har ambisjon om å anskaffe serieproduserte, standardiserte sjømilitære fartøy. Dette stiller krav til skip som er allsidige, robuste og framtidsretta, men likevel kostnadseffektive å bygge. Få verft i Noreg kan møte denne utfordringa. Saman har Larsnes Mek. Verksted (Larsnes) og Ulstein Group (Ulstein) lang erfaring og gode referansar med design, bygging og vedlikehald av fartøy, og samarbeider for å tilby ei løysing som sikrar effektiv produksjon av sjømilitære fartøy.  

Skroget til bygg nummer 323 kom til Ulstein Verft 6. desember 2025. Dette markerer eit nytt steg i ferdigstillinga av vårt neste havvindservicefartøy, som er det tiande I rekka av TWIN X-STERN®-skip sidan 2022. Fartøyet er basert på Ulstein sitt SX222-design.

Aurora Expeditions sitt ekspedisjonscruiseskip Douglas Mawson blir døypt i Sydney  27. november 2025, før skipet legg ut på sin første tur til Tasmania. Skipet vert det første cruiseskipet med Ulstein sitt X-BOW®-design som skal operere i australske farvatn. Skrogforma er langt meir enn eit visuelt kjenneteikn, det er eit gjennombrot innan maritimt ingeniørarbeid.

Når eit nesten 150 meter langt, nybygd skip skal ut av dokkhallen med under éin meter klaring på kvar side, og vinden står på frå alle kantar, har ein lite feilmarginar. Det krev planlegging, presisjon – og eit team som veit kva dei gjer. 

Den 15. november 2025 vart bnr 322 trygt taua inn og plassert i dokkhallen ved Ulstein Verft. Prosjektet er på plan, og sentrale aktivitetar er godt i gang.

På Ampelmann sin Walk-to-Work-konferanse i Rotterdam 4. november 2025 deltok Henrik Høidal, systemarkitekt i Ulstein Design & Solutions AS, med eit innlegg som sette fart på diskusjonane om framtidas havvindlogistikk. Temaet var SX250-skipa,  eit konsept som utfordrar dagens tankegang om storleik og operasjonsevne.

Den 13. november 2025 vart skroget til kabelleggingsfartøyet (CLV) Nexans Electra flytta til utrustingskaia ved Ulstein Verft, eit viktig steg på vegen mot ferdigstilling. I løpet av tida ved Ulstein Verft har skipet vore under tak i dokkhallen i eit kontrollert miljø, som gir optimale forhold for arbeidsmiljø og kvalitet på malingsarbeidet.

Skipsbyggingsprosjektet Nexans Electra nærmar seg sluttfasen i dokka før det omfattande arbeidet held fram ved kai fram mot prøvetur våren 2026. Korleis organiserer ein arbeidet for hundrevis av arbeidarar, underselskap og leverandørar i mange månader for å få prosjektet ferdig på tid og på budsjett? Bli med på reisa saman med prosjektleiar Runar Toftesund ved Ulstein Verft.

Det Ålesund-baserte selskapet Blue Ctrl gjer strategiske endringar i leiinga for å styrke selskapet sin vidare vekst og posisjon i den maritime teknologinæringa. Den 1. november startar Marielle Furnes Mannseth som dagleg leiar i selskapet. 

Aurora Expeditions tok i bruk sitt tredje ekspedisjonscruiseskip med X-BOW – Douglas Mawson – i september 2025. – Mange av gjestene våre har reist med andre ekspedisjonsskip før og merkar straks forskjellen. Anten det er betre søvn, mindre vibrasjonar når dei lyttar til foredrag, eller meir tid i områda ein besøker – designet forbetrar opplevinga, seier Katie Malone, marknadsdirektør i Aurora Expeditions når ho skal forklare X-BOW.

Ulstein Group fekk prisen ‘Teamwork of the Year 2025’ under IDC-konferansen i Ålesund den 16. oktober 2025. Juryen uttalte: «Ulstein Group har bygd ein kultur der alle fagområde er like viktige. Resultata talar for seg: framtidsretta fartøy som møter både kommersielle og samfunnsnyttige mål. Ulstein viser korleis tverrfagleg samarbeid kan skape banebrytande løysingar i maritim sektor, og har ei sterk evne til å samle designarar, ingeniørar og nøkkelpersonell i utviklinga av heilskaplege konsept som kombinerer teknologi, funksjon og estetikk. Samarbeid på tvers av fag og aktørar – frå lokale partnarar til internasjonale kundar – gir innovasjon med global betydning.»

I oktober 2025 var Edda Freya innom Ulstein Verft for ei mobilisering på svært kort varsel. I tillegg til mindre oppgåver som skulle utførast, skulle den 350 tonn tunge krana flyttast. 

Det totale talet på walk-to-work (W2W)-fartøydesign og redesign frå Ulstein er no 22, der 16 av dei er i arbeid. I snitt utfører desse fartøya vedlikehald og reparasjon på over 5 000 turbinar – kvart år! Det utgjer over 95 000 gangvegoverføringar!

Ekspedisjonscruiseskipet Douglas Mawson vart levert 9. september 2025. Fartøyet er bygd ved CMHI-verftet i Kina for SunStone Ships og leigd ut til Aurora Expeditions. Med denne leveringa er endå eit ULSTEIN CX103-design klart for å utforske polare strøk, avsidesliggande kystar og verdsomspennande reisemål.