NKT Victoria til Ulstein Verft for oppgradering og…

Historikk

NKT Victoria vart levert i 2017 og er bygd for installasjon av høgspent sjøkablar. Fartøyet vart levert frå Kleven og er eigd av NKT og drifta av Remøy Management. Med avansert kabelleggingsutstyr, dynamisk posisjonering og ROV-kapasitet opererer skipet på kabelprosjekt over heile verda. Skipet var sist innom Ulstein Verft i 2021-22 for oppgradering, vedlikehald og 5-årsklassing.

Tysdag 18. august kom kabelleggingsfartøyet NKT Victoria til Ulstein Verft. Skipet skal gjennomgå eit omfattande vedlikehalds- og 10-års klassefornyingsprogram, i tillegg til demobilisering av eksisterande ROV-løysing og mobilisering av ny ROV-løysing om bord.

Verftsopphaldet startar med arbeid ved kai før planlagt inndokking frå september . Arbeidet involverer fleire fagområde ved Ulstein Verft og ei rekke samarbeidspartnarar. Eksisterande ROV-utstyr skal demobiliserast, før ei ny ROV-løysing med tilhøyrande infrastruktur blir mobilisert og installert om bord.

Arbeidet omfattar mellom anna skrogklargjering, inspeksjonar, klasseaktivitetar, teknisk vedlikehald og overflatebehandling. I tillegg kjem arbeid knytt til ROV-systemet og nødvendige støttesystem medan fartøyet ligg ved verftet, inkludert stål- og elektroarbeid, fundamentering, installasjonar og integrasjon av nytt utstyr.

Verftsopphaldet er planlagt avslutta i oktober.