Ulstein sine nøkkelpunkt i 2024
Innovative leveransar for meir berekraftige operasjonar
Ettermarknad
Ettermarknad dekker eit breitt spekter av tenester for å ta vare på eit skip gjennom heile livsløpet. Vi gjer alt frå service og vedlikehald til større ombyggingar og oppgraderingar. Er ditt fartøy klart til komande oppdrag?
Forbetre konkurranseevna di
Som reiar og operatør står du overfor ein maritim industri i rask endring. Det er nye og strengare krav og forventingar til at drifta skal bli meir berekraftig og energieffektiv. Vidare må fartøy sikre maksimal verdi gjennom heile livssyklusen.
Skal du kunne vere konkurransedyktig og sikre lønsam drift er det mange val som må takast når det gjeld oppgraderingar, konverteringar, tenester og reparasjonar. Denne typen arbeid inneber ulik kompetanse og kunnskap og sjølvsagt dei fasilitetane som trengst for å gjennomføre prosjekta.
Vi tilbyr fleire ettermarknadstenester for å gi kundane våre profesjonell tilgang til ettermontering, ombyggingar, service og vedlikehald, reparasjonar og oppgraderingar.
Det nære samarbeidet mellom skipsdesign, engineering, produksjon og drift gjer oss til ein effektiv leverandør av ettermarknadstenester.
Ei oppsummering av våre tenester
Gjennom åra har vi utvikla ein kunnskapsbase og erfaring som garanterer dei høgaste standardar innan kvalitet, utføring og leveringspresisjon. Vi har samla design, engineering og produksjon i same konsern og kan tilby effektive arbeidsprosessar og kortare leveringstid.
- Dokkhall og servicekai
- Tørrdokka er satt saman av ein indre dokk med dokkhall, og ein ytre dokk. Total lengde på dokka er 225 m, lengde ytre dokk er 107 m og lengde indre dokk 110 m. For prosjekt som ikkje krev dokking, kan vi kome raskt i gang med arbeidet frå servicekaiene våre.
- Vedlikehald og oppgradering av elektriske system
- Vi har dyktige fagfolk i alle ledd for service og utbetring av det elektriske anlegget og andre elektroniske system om bord.
- Overflatebehandling av skrog
- Reingjering, grunning og maling av skrog held korrosjon borte og utvidar skipet si levetid. I vår dokkhall har vi optimale forhold til å levere topp kvalitet på all overflatebehandling.
- Service og reparasjonar av HVAC-anlegg
- Ta vare på inneklimaet om bord med jamleg tilsyn og vedlikehald av ventilasjonsanlegget.
- Reparasjonar av stålkonstruksjonar
- Vi har dyktige teknikarar til å løyse eventuelle skadar eller problem med stålkonstruksjonar for å halde oppe strukturell integritet og tryggleik.
- Støtte til klassing
- Våre klassingstenester sikrar at fartøyet oppfyller kravet frå klassifikasjonsselskapet, og ivaretek sertifiseringane til skipet.
- Vedlikehald av marine system og utstyr
- Pålitelege vedlikehaldstenester for ulike marine system og utstyr for å halde dei i god stand, og sikre jamn drift.
- Prosjektleiing og prosjektering
- Gjennom effektiv prosjektleiing og teknisk støtte sikrar vi ei rettidig utføring og vellukka gjennomføring av ettermarknadsoppdrag.
- Utbetring av rørsystem
- Vår røravdeling har lang fartstid og produserer robuste rør. Kaldbøying av røra gir færre sveiseskøytar, noko som reduserer faren for lekkasjar og med lågare driftskostnader.
- Reparasjon og vedlikehald av thrusterar og framdriftssystem
- Vi syter for at skipet opprettheld kritiske framdrifts- og styringsfunksjonar.
Fasilitetar ved Ulstein Verft
Ulstein Verft er eit kompakt og komplett verft med utmerkte fasilitetar. Vi har ei tørrdokk og dokkhall. Dokkhallen sikrar gode arbeidsvilkår og eit stabilt miljø i nybyggingsprosjekt, skipsreperasjonar og ombyggingar. Hos oss er det kort veg til rørproduksjon, utrusting, maskinverkstad, administrasjonsbygg og andre tenester.
Historier frå våre ettermarknadsoppdrag
Sjå korleis vi kan hjelpe skipseigarar med å halde seg konkurransedyktige ved å optimalisere ytinga til fartøy.
Artikkel
Synergieffekten i skipstenester frå Ulstein
- Treng du å tilpasse fartøyet ditt for eit nytt oppdrag? Kanskje legge til eit mesanindekk, rekne ut dekkstyrken eller stabilitetseigenskapane til ei ny kran? Vi er her for å hjelpe deg, seier prosjektleiar for ettermarknad, Roy Lindset, i Ulstein Design & Solutions.
Oppdatering
Slik skal Ulstein Verft bygge om fôrbåten Eidsvaag Pioner
Ulstein Verft skal bygge om fôrbåten Eidsvaag Pioner med eit moderne fôrsystem. Dette er eit stort og omfattande prosjekt som krev mange endringar. Særleg stort omfang er det innan stålområdet.
Oppdatering
Ny kunde med stor ombyggingskontrakt
Fredag 23. februar kom fôrbåten Eidsvaag Pioner til Ulstein Verft. Båten, tilhøyrande Eidsvaag AS på Frøya i Trøndelag skal gjennom ei stor ombygging. Arbeidet på skipet vil vare om lag 4-5 månader.
Oppdatering
Omskapte ein PSV til eit geoteknisk undersøkingsfartøy
Mot slutten av 2023 fullførte Ulstein Verft ombygginga av Fugro Resilience til avtalt tid. Skipet, opphavleg eit plattformforsyningsfartøy (PSV) av ULSTEIN PX121-design, var då ombygd til eit fartøy for geotekniske operasjonar.
Oppdatering
Skal integrere nytt subseautstyr på Island Constructor
Subseaskipet Island Constructor, bygg 279 frå Ulstein Verft, kjem tilbake til byggeverftet i januar 2024 for eit serviceoppdrag.
Oppdatering
Aurora Offshore fekk installert landstraum: - Vi hadde eit suverent integreringsteam frå Ulstein om bord
Tre av dei ti plattformforsyningsfartøya i Aurora Offshore-flåten er designa av Ulstein. I samband med Ulstein si klasseoppgradering av leveransane sine på automasjon-, kraft- og kommunikasjonssystema vart fartøya også oppgraderte med landstraumtilkopling.
Oppdatering
Første tilbakemelding frå SW Tasman
Shearwater GeoServices sitt nykonverterte seismikkskip, 'SW Tasman', har vore i arbeid sidan juli 2023. Skipet har to ROV-ar, og oppgåver knytt til nodar, som tidlegare vart utførde av to skip, har no blitt gjennomført av berre eitt. Meir plass, enklare tilgang og gode løysingar i arbeidsarealet vert nemnde blant dei positive tilbakemeldingane frå mannskapet.
Artikkel
Kort responstid og komplette tenester gjer at Olympic vel Ulstein
Olympic er ein hyppig kunde hos Ulstein for mindre og større designoppdrag og for verftsarbeid som dokkingar og oppgraderingar. Eitt kontaktpunkt, rask respons og brei ekspertise er nokre av årsakene.
Pressemelding
Fugro vel Ulstein for redesign og ombygging av fartøy
Fugro Resilience skal byggast om ved Ulstein Verft.
ISO-sertifisering
Ulstein Verft er sertifisert i samsvar med ISO9001:2015, ein kvalitetsstandard som syner at bedrifta vert styrt på ein målretta og kontrollert måte, og ISO140001 sertifisert (miljøsertifisering).
Ta kontakt
Martin Sundgot Hansen
- Beskrivelse
- Sales Manager Aftermarket
- Tilknytning
- Ulstein Verft AS
Rolf Ottar Rovde
- Beskrivelse
- Sales Manager
- Tilknytning
- Ulstein Power & Control AS
Roy Lindset
- Beskrivelse
- Manager service dept.
- Tilknytning
- Ulstein Design & Solutions AS
