Ettermarknad dekker eit breitt spekter av tenester for å ta vare på eit skip gjennom heile livsløpet. Vi gjer alt frå service og vedlikehald til større ombyggingar og oppgraderingar. Er ditt fartøy klart til komande oppdrag?
Som reiar og operatør står du overfor ein maritim industri i rask endring. Det er nye og strengare krav og forventingar til at drifta skal bli meir berekraftig og energieffektiv. Vidare må fartøy sikre maksimal verdi gjennom heile livssyklusen.
Skal du kunne vere konkurransedyktig og sikre lønsam drift er det mange val som må takast når det gjeld oppgraderingar, konverteringar, tenester og reparasjonar. Denne typen arbeid inneber ulik kompetanse og kunnskap og sjølvsagt dei fasilitetane som trengst for å gjennomføre prosjekta.
Vi tilbyr fleire ettermarknadstenester for å gi kundane våre profesjonell tilgang til ettermontering, ombyggingar, service og vedlikehald, reparasjonar og oppgraderingar.
Det nære samarbeidet mellom skipsdesign, engineering, produksjon og drift gjer oss til ein effektiv leverandør av ettermarknadstenester.
Gjennom åra har vi utvikla ein kunnskapsbase og erfaring som garanterer dei høgaste standardar innan kvalitet, utføring og leveringspresisjon. Vi har samla design, engineering og produksjon i same konsern og kan tilby effektive arbeidsprosessar og kortare leveringstid.
Ulstein Verft er eit kompakt og komplett verft med utmerkte fasilitetar. Vi har ei tørrdokk og dokkhall. Dokkhallen sikrar gode arbeidsvilkår og eit stabilt miljø i nybyggingsprosjekt, skipsreperasjonar og ombyggingar. Hos oss er det kort veg til rørproduksjon, utrusting, maskinverkstad, administrasjonsbygg og andre tenester.
Sjå korleis vi kan hjelpe skipseigarar med å halde seg konkurransedyktige ved å optimalisere ytinga til fartøy.
Ulstein Verft skal bygge om fôrbåten Eidsvaag Pioner med eit moderne fôrsystem. Dette er eit stort og omfattande prosjekt som krev mange endringar. Særleg stort omfang er det innan stålområdet.
Fredag 23. februar kom fôrbåten Eidsvaag Pioner til Ulstein Verft. Båten, tilhøyrande Eidsvaag AS på Frøya i Trøndelag skal gjennom ei stor ombygging. Arbeidet på skipet vil vare om lag 4-5 månader.
Mot slutten av 2023 fullførte Ulstein Verft ombygginga av Fugro Resilience til avtalt tid. Skipet, opphavleg eit plattformforsyningsfartøy (PSV) av ULSTEIN PX121-design, var då ombygd til eit fartøy for geotekniske operasjonar.
Subseaskipet Island Constructor, bygg 279 frå Ulstein Verft, kjem tilbake til byggeverftet i januar 2024 for eit serviceoppdrag.
Tre av dei ti plattformforsyningsfartøya i Aurora Offshore-flåten er designa av Ulstein. I samband med Ulstein si klasseoppgradering av leveransane sine på automasjon-, kraft- og kommunikasjonssystema vart fartøya også oppgraderte med landstraumtilkopling.
Shearwater GeoServices sitt nykonverterte seismikkskip, 'SW Tasman', har vore i arbeid sidan juli 2023. Skipet har to ROV-ar, og oppgåver knytt til nodar, som tidlegare vart utførde av to skip, har no blitt gjennomført av berre eitt. Meir plass, enklare tilgang og gode løysingar i arbeidsarealet vert nemnde blant dei positive tilbakemeldingane frå mannskapet.
Olympic er ein hyppig kunde hos Ulstein for mindre og større designoppdrag og for verftsarbeid som dokkingar og oppgraderingar. Eitt kontaktpunkt, rask respons og brei ekspertise er nokre av årsakene.
Fugro Resilience skal byggast om ved Ulstein Verft.
4. februar 2023 vart arbeidet med oppgraderinga av Windea Leibniz fullført ved Ulstein Verft. Med ein auke på lugarar frå 60 til over 80 vert SOV-skipet no rekna som ein CSOV. I tillegg har verftet installert ein ekstra pidestall for operasjonar i Østersjøen, i tillegg til ein justerbar pidestall for Nordsjøen.
SOV-skipet Windea Leibniz returnerer til Ulstein Verft for ei oppgradering. Verftet skal montere ein justerbar pidestall for gangbrua og auke talet enkeltlugarar for klientar. Det gjer at fartøyet kan ta på seg oppdrag i Østersjøen i tillegg til Nordsjøen, og det vil endre status til konstruksjons-SOV.
Ulstein Verft er sertifisert i samsvar med ISO9001:2015, ein kvalitetsstandard som syner at bedrifta vert styrt på ein målretta og kontrollert måte, og ISO140001 sertifisert (miljøsertifisering).
Martin Sundgot Hansen
Sales Manager Aftermarket
Rolf Ottar Rovde
Sales Manager
Roy Lindset
Manager service dept.