Ulstein Design & Solutions AS i Ulsteinvik er eitt av fleire selskap i Ulstein Group med brei skipskompetanse. Selskapa i Ulstein samarbeider med verft over heile verda. Roy Lindset fortel om mange nye oppdrag innan service og ettermarknad siste året. Han leier ettermarknadstenestene for å hjelpe skipseigarar med å forlenge levetida til flåten.
Nylege service- og ettermarknadsoppdrag
- Kundane sit på den operasjonelle kunnskapen og har oversikt over fartøyet sine driftsdata. Ulstein tilbyr tverrfagleg kompetanse og erfaring, og det kombinerte resultatet av samarbeidet er eit svært attraktivt fartøy for eit nytt oppdrag eller segment, seier Roy, og nemner nokre nylege døme:
Konvertering gir lengre levetid
- Ankerhandteringsfartøyet Skandi Hera er eit Ulstein-design og vart levert av Ulstein Verft i 2009. Vi vart kontakta av reiarlaget DOF i 2024 for ei konvertering til eit nytt oppdrag. Konverteringa ville bidra til å forlenge levetida til skipet, som opphavleg vart levert utan offshorekran, men no trong ei kran til den nye oppgåva. Vi utførte dei naudsynte stabilitets- og styrkeberekningane og engineeringa av kranfundamentet og krankrybba, og gjennomførte så krengeprøva i Kristiansand, der krana vart installert i mars i år.
Sidan då har fartøyet operert i Nordsjøen, og vil starte eit arbeid utanfor kysten av Vest-Afrika i september i år.
- Krana fungerer perfekt, og Ulstein Design & Solutions utførte ein svært god jobb, seier prosjektleiar Herulf Andersen i DOF.
Studium av gjennomførbarheit
- Vi har også nyleg utført ei analyse av eit plattformforsyningsfartøy av eit eksternt design. Fartøyet skulle inn på ein ny jobb og trong ei omfattande ombygging, integrasjon av ein moonpool og ei betydeleg mengde dekksutstyr. Vi måtte sikre at den tiltenkte ombygginga var mogleg å gjennomføre på dette skipet, og dei fleste av våre tekniske disiplinar var involverte i dette, inkludert stål, maskin, elektro, innreiing og stabilitet.
Oppgradering av dynamisk posisjonering
- Vi arbeider for tida med ei oppgradering av eit fartøy frå DP1 til DP2 (dynamisk posisjonering) for ein av våre kundar. Dette arbeidet vert utført i nært samarbeid med våre kollegaer ved Ulstein Power & Control og deira leverandørar.
Styrkeberekningar, ingeniørarbeid og utstyrsintegrasjon
- I år har vi også hatt inne Island Constructor ved Ulstein Verft for ei større oppgradering. Fartøyet er eit multifunksjonelt offshorefartøy med eit skinnesystem på dekket til å flytte offshoreeiningar, og til den nye oppgåva var det behov for å flytte større einingar. Ulstein Design & Solutions utførte styrkeberekningane og engineeringsarbeidet for fundamentet til det nye utstyret, medan Ulstein Verft integrerte det nye subsea-utstyret.
- Utstyret vart tilpassa i hangaren, på dekket, i tårnet og på skuta generelt, sa Trond-Eivind Larsen, som er topside group leader i operatørselskapet TIOS, ein del av TechnipFMC-konsernet.
Diverse anna servicearbeid vart også utført for Island Offshore, blant anna installering av eit behandlingssystem for ballastvatn (BWTS) og overhaling av motorane.
Andre oppgraderingar
Andre nylege døme er oppgraderinga av C/SOV-skipet Windea Leibniz og seismikkskipet SW Tasman.
Korleis kan vi gjere skipsfarten meir berekraftig?
Utsleppsreduksjonar for den eksisterande flåten står høgt på agendaen for skipsfartsnæringa.
- Vi forventar at dei fleste av dei eksisterande fartøya i flåten som er under 10-15 år gamle vil utforske moglegheiter for oppgradering slik at levetida til skipa kan forlengast med ein grønare profil, seier Jose Jorge Garcia Agis, administrerande direktør i Ulstein International.
Ulstein Design & Solutions arbeider aktivt med ulike moglegheiter for ombyggingar av dei eksisterande Ulstein-designa skipa. - Vi kjem snart til å starte diskusjonar med relevante kundar og andre interessentar for å realisere slike konverteringsmoglegheiter, fortel Jose.
Auk konkurranseevna med våre omfattande ettermarknadstenester
Kundane våre set pris på ein samarbeidspartnar med design- og engineeringskapasitet, vårt eige skipsverft og alle fasilitetar og disiplinar som trengst.
Ulstein tilbyr eit breitt utval av ettermarknadstenester for å gje kundane våre profesjonell tilgang til ombyggingar, konverteringar, service og vedlikehald, reparasjonar og oppgraderingar. Det nære samarbeidet mellom design, engineering, elektro, produksjon og drift gjer oss til ein effektiv leverandør av ettermarknadstenester og sal av reservedelar.
