I Ulstein gjer vi visjonar om til verkelegheit, og vi skal vere ein pådrivar for framgang i den maritime næringa.
Gjennom nyheitene og artiklane våre kan du lære meir om korleis vi jobbar i lag med kundar og partnarar og skaper konkurransekraft i næringa.
PaxOcean Group, som er ein del av Kuok Maritime Group, og Ulstein Design & Solutions AS har signert ein kontrakt for design av eit ULSTEIN SX222 havvind-servicefartøy (SOV) for NYK Line (Nippon Yusen Kabushiki Kaisha). PaxOcean skal bygge fartøyet ved Graha-verftet sitt på Batam i Indonesia.
Dajin Heavy Industry har valt ULSTEIN HX122-designet med hekkløysinga U-STERN® for eit nytt installasjonsfartøy. Skipet er designa av Ulstein Design & Solutions B.V. i Nederland. Det er optimalisert for installasjon av monopælar, jacket-fundament og offshore transformatorstasjonar, og skal møte den aukande etterspurnaden etter større og meir komplekse havvindprosjekt.
Jan De Nul har løyst ut opsjonen på det andre subsea-trenchingfartøyet som bygger på det skreddarsydde fartøysdesignet utvikla av Ulstein Design & Solutions AS. Avgjerda understrekar den sterke tilliten til designplattforma og vidareutviklar samarbeidet mellom dei to selskapa.
Den 23. juni 2026 leverte Hanwha Philly Shipyard steininstallasjonsskipet Acadia til Great Lakes Dredge & Dock. Det første fartøyet av sitt slag under amerikansk flagg er designa av Ulstein Design & Solutions B.V. i Nederland.
Om bord på eit typisk havvindserviceskip tilbyr skipslegen sjøsjuketablettar og tørre kjeks til dei mindre sjøvande teknikarane. På Windea Carnot er derimot behovet for sjøsjukemedisin nesten nede på null, i staden har iskremmaskina med tre smakar blitt eitt av dei mest populære tilboda.
Med leveringa av Windea Clarke frå Ulstein Verft 2. juli 2026 styrkar Bernhard Schulte Offshore (BS Offshore) kapasiteten sin innan offshoreenergi. Havvindserviceskipet er det fjerde som reiarlaget har fått levert frå Ulstein det siste året.
Ulstein Group hadde driftsinntekter på NOK 3,0 milliardar og eit driftsresultat på NOK 219,2 millionar i 2025.
Acta Marine har overtatt Acta Gemini, det tredje fartøyet i ei serie på fire ULSTEIN SX216-konstruksjonsstøttefartøy for havvind (CSOV)* med ULSTEIN TWIN X-STERN®-design.
Tysdag 24. mars blei ei omfattande redningsøving gjennomført i havet utanfor Lofoten der eit nytt naudslepesystem for skip vart testa. Cruiseskipet MS Spitsbergen med 150 passasjerar om bord, Kystvaktskipet KV Barentshav og 330- skvadronen sitt redningshelikopter SAR Queen deltok.
Korleis veit ein at eit nytt fartøydesign faktisk vil fungere i røff sjø og krevjande operasjonar? Svaret ligg i grundig etterprøving, uavhengig testing og dokumentert yteevne. Nyleg vart eit nytt design for kabelleggingsskip testa i eit storskala havbasseng hos SINTEF Ocean. Resultata gav nettopp det Ulstein er ute etter: tryggleik for at designet held det det lovar.
Jan De Nul har valt eit spesialframstilt fartøydesign frå Ulstein Design & Solutions AS til den nyaste utvidinga av offshoreflåten sin. Realiseringa av subsea trenchingfartøyet markerer ein milepåle i samarbeidet mellom to leiande maritime innovatørar. Fartøyet er planlagt levert i 2028. Det grunnleggande designet bygger på eit robust og globalt velprøvd subseafartøydesign.
OMS Group, ein leiande leverandør av undersjøisk digital infrastruktur, har signert kontraktar med Ulstein om design og bygging av to kabelleggingsfartøy. Skipa er planlagd leverte frå Ulstein Verft i 2028.
Acta Pegasus vart levert til Acta Marine frå Tersan-verftet i Tyrkia i desember 2025. Dette er det første av fire nye Walk-to-Work (W2W) havvindserviceskip (CSOV-skip) designa av Ulstein Design & Solutions AS for Acta Marine.
Aurora Expeditions sitt ekspedisjonscruiseskip Douglas Mawson blir døypt i Sydney 27. november 2025, før skipet legg ut på sin første tur til Tasmania. Skipet vert det første cruiseskipet med Ulstein sitt X-BOW®-design som skal operere i australske farvatn. Skrogforma er langt meir enn eit visuelt kjenneteikn, det er eit gjennombrot innan maritimt ingeniørarbeid.
På Ampelmann sin Walk-to-Work-konferanse i Rotterdam 4. november 2025 deltok Henrik Høidal, systemarkitekt i Ulstein Design & Solutions AS, med eit innlegg som sette fart på diskusjonane om framtidas havvindlogistikk. Temaet var SX250-skipa, eit konsept som utfordrar dagens tankegang om storleik og operasjonsevne.