Acta Pegasus er basert på ULSTEIN SX216-designet, med ULSTEIN TWIN X-STERN®-løysinga. Denne innovasjonen har blitt kjend for auka drivstoffeffektivitet, gode dynamiske posisjoneringsevner (DP), betra manøvreringsevne, reduserte rørsler og lågare støynivå.
Fartøyet er utstyrt med avanserte system for offshore-tilkomst og løft, inkludert ein 3D-rørslekompensert gangveg og kran, som sikrar trygg og effektiv overføring av personell og last.
I tråd med Acta Marine sine berekraftambisjonar er Acta Pegasus klargjort for metanol, med motorar som kan gå på Marine Gas Oil (MGO, eit drivstoff med lågt svovelinnhald) eller ei blanding av MGO og metanol. Fartøyet har òg stor batterikapasitet, som optimaliserer drivstoffeffektiviteten og reduserer utslepp. Desse løysingane er med på å støtte overgangen til meir offshoreaktivitetar med lågare utslepp. Fartøyet skal støtte havvindprosjekt i Frankrike og bidra til vekst innan fornybar energi i regionen.
Acta Pegasus har innreiing for opp til 135 personar i komfortable lugarar, og tilbyr ei rekke fasilitetar for å sikre trivsel om bord, mellom anna ein moderne restaurant, multifunksjonelle opphaldsrom, sauna og treningsrom.
Leveringa av Acta Pegasus markerer eit viktig steg i Acta Marine si satsing på ein moderne, berekraftig og framtidsretta flåte. Søsterskipa Acta Hercules, Acta Gemini og Acta Aquarius skal etter planen bli leverte i løpet av 2026, og vil ytterlegare styrke Acta Marine si evne til å levere pålitelege og effektive offshore-tenester.
Ulstein sine W2W-design
Walk-to-work (W2W)-operasjonar involverer ein hivkompensert gangveg frå fartøyet som koplar til ein offshoreinstallasjon for trygg overføring av personell.
Ulstein sine W2W-skipsdesign er utvikla for å støtte ein effektiv oppstart, drift og vedlikehald av offshoreinstallasjonar.
