– Denne satsinga legg til rette for gode arbeidsforhold og vidare utvikling av kompetansen ved verftet og avdelinga, seier seksjonsleiar for tungløft, Jostein Sørnes.
Den nye hallen blir lett isolert og får store portar for effektiv handtering av maskinar og tungt utstyr. Bygget er tilpassa tungløftsavdelinga sine behov, med ei innvendig makshøgd på 10,8 meter og portar som gjer det mogleg å køyre inn samankopla multiwheelerar (SPMT).
Ei viktig rolle i verftet sine prosjekt
Tungløftsavdelinga spelar ei sentral rolle i gjennomføringa av nybygg, ombyggingar og ettermarknadsprosjekt ved Ulstein Verft. Avdelinga utfører òg oppdrag for kundar langs norskekysten og handterer store og komplekse løfteoperasjonar både på land og til sjøs.
Den nye hallen vil gi betre fasilitetar for vedlikehald, klargjering og handtering av utstyr, og legg til rette for meir effektiv logistikk og prosjektgjennomføring.
Del av ei langsiktig satsing
Hallen er berre eitt av fleire utviklingstiltak som er gjennomførte ved verftet dei siste åra. Mellom anna er det investert i nytt landstraumanlegg, energieffektive kompressorsystem med varmegjenvinning, oppgraderte lysanlegg, nye liftar og nye vinsjar til lekteren. Det ligg også føre planar om ytterlegare oppgraderingar i åra som kjem. Tiltaka er del av ei langsiktig satsing på moderne fasilitetar, effektiv drift og berekraftige løysingar som skal styrke konkurransekrafta til verftet og sikre gode leveransar til kundane også i åra framover.
