Kontraktane vart inngått 23. desember 2025. Fartøya er designa for svært gode installasjonskapasitetar og låge karbonutslepp. Løysingane innan engineering og drift skal sikre optimal legging av undersjøiske nettverk.
Denne flåteutvidinga viser OMS Group si strategiske satsing på å bygge ein framtidsretta flåte som støttar den raskt veksande digitale økonomien. Partnarskapet med ULSTEIN®, og integrasjonen av X-BOW®-designet, understrekar engasjementet vårt for yteevne, miljø og kvalitet.
Ronnie Lim, konsernsjef i OMS Group, legg til:
- Den aukande etterspurnaden etter global nettverkstilkopling har gjort flåtekapasitet til ein kritisk flaskehals. Dei nye fartøya styrkar evna vår til å utføre store, komplekse kabelinstallasjonar på ein påliteleg måte, og posisjonerer OMS Group for neste vekstfase i den digitale infrastrukturen.
- Vi ser fram til å samarbeide med OMS Group om neste generasjons kabelleggingsfartøy, kontraktane stadfestar Ulstein sin posisjon innan design og bygging av spesialfartøy. Ved å integrere ULSTEIN X-BOW®-designet med avanserte teknologiar som ULSTEIN® POWER Variable Speed Generator (VSG), leverer Ulstein fartøy som set nye standardar i denne marknaden. Løysingane reduserer drivstofforbruk og utslepp og forbetrar operasjonell effektivitet. Saman med OMS Group støttar vi den digitale infrastrukturen globalt med berekraftige og framtidsretta løysingar, seier Gunvor Ulstein, konsernsjef i Ulstein, og held fram:
- Eg vil også rette ei stor takk til våre tilsette for innsatsen med å realisere kontrakten. Vi står klare til å bygge og levere innovative og framtidsretta skip.
ULSTEIN SX252: Bygd for yteevne og pålitelegheit
ULSTEIN SX252-fartøya er designa av Ulstein Design & Solutions AS. Dei er 130 meter lange og 22 meter breie, med kapasitet på opptil 6 500 tonn kabel. Dei har innreiing for 75 personar.
Fartøya har to store kabeltankar og to reservekabeltankar, og kabeldekket der kabelleggingsutstyret er plassert, er overbygd med ein hangar. På toppen av hangaren er det eit stort ope dekk for ROV-ar og konteinarar. Skipet er også utrusta med ei 50-tonns A-ramme med slepevinsj for pløying. ULSTEIN X-BOW® gir mindre rørsler, noko som gir mindre slitasje på kablar og kabelutstyr, og aukar tryggleik og operasjonsevne sjølv i dårleg ver og høge bølger.
Ulstein Group
Ulstein er ein internasjonalt anerkjend leverandør av skipsdesign, skipsbygging og systemløysingar for skip. I meir enn 100 år har vi utvikla framtidsretta produkt og tenester for det maritime miljøet, og visjonen vår er å skape morgondagens løysingar for berekraftige marine operasjonar. Ulstein har aktivitet i fleire land, med hovudkontor i Ulsteinvik på Sunnmøre.
OMS Group
OMS Group leverer integrerte tenester innan digital infrastruktur. Dei installerer og vedlikeheld undersjøiske fiberkabelsystem og har ein flåte på fem kabelleggingsfartøy, med fire nye under bygging
Kontaktar
Ulstein Verft:
Marita Myrvågnes, 406 26 547, [email protected]
Ulstein Design & Solutions AS:
Torill Muren, 900 38 665, [email protected]
OMS Group:
Ellerique Shamsuddin, +603 5569 3881, [email protected]
