Det hybride kraftsystemet er utvikla for å redusere drivstofforbruk og utslepp, medan kontrollsystemet tek heilskapleg styring av fartøyet sine system og sikrar trygg, stabil og energieffektiv drift, uansett operasjon.
Høg driftssikkerheit og optimal energieffektivitet
- Fokuset vårt er å tilby kraft- og automasjonsløysingar baserte på ein fleksibel plattform. Operatøren får moglegheit til å tilpasse systemet til ulike operasjonar og oppnå energieffektiv drift. Dette er teknologi som er godt utprøvd i praksis og som leverer svært gode resultat, seier Rolf Ottar Rovde, salsleiar i Ulstein Power & Control.
Robust kraftpakke
Løysinga bygger på ei robust vekselstraums lågspentplattform, inkludert ULSTEIN® POWER Variable Speed Generator (VSG) og batteri. Generatorane kan då køyrast meir effektivt, medan batteriet både sikrar reservekraft og gir eit nødvendig effektløft når operasjonane krev raske endringar. Resultatet er betre dynamikk, stabil drift og lågare energibruk.
Integrert automasjon basert på X‑CONNECT
Det integrerte automasjonssystemet er kjernen i løysinga og styrer samhandlinga mellom kraftproduksjon, energilagring og forbruk om bord. Systemet handterer driftsmodusar, oppstart‑ og stoppsekvensar og prioritering av last automatisk, og tilpassar kontinuerleg energibruken etter den aktive operasjonen. Samstundes er heile automasjonssystemet levert som ei integrert løysing basert på X‑CONNECT‑plattforma, som gir samla monitorering og kontroll av fartøyet sine system frå eitt felles grensesnitt.
- Kontrakten er eit tydeleg bevis på at satsinga vår på integrerte kraft- og automasjonssystem gir resultat. Vi er stolte av å bidra med løysingar som møter både dagens og framtidige krav i den maritime industrien, avsluttar Peter Pilskog.
