Fartøyet er bygd ved Tersan Shipyard i Tyrkia og er eit DP2-fartøy med gangveg (walk-to-work), utvikla for bygging og vedlikehald av havvindanlegg. TWIN X-STERN-løysinga, med hovudframdriftseiningar i begge endar, gir høg operasjonsevne, rolege rørsler og stabil posisjonering i krevande forhold.
Ifølge Acta Marine går Acta Gemini etter mobilisering inn i ein langsiktig kontrakt ved Sofia-havvindparken på Doggerbank i Storbritannia. Skipet skal ha base i Grimsby og fungere som hotellskip ute på vindfarmen der teknikarar via gangbrua kan utføre drift og vedlikehald på vegner av RWE.
Saman med søsterskipa Acta Pegasus og Acta Hercules, som er leverte tidlegare, bidreg denne nybyggserien til å styrke Acta Marine sin moderne og framtidsretta flåte, som bidreg til energiomstillinga i Europa.
Acta Gemini bygger vidare på det gode samarbeidet mellom Acta Marine, Tersan Shipyard og Ulstein. Skipet er ein kombinasjon av framtidsretta fartøydesign der det er lagt vekt på sikkerheit, effektiv drift og gode forhold om bord i samband med havvindoperasjonar.
*Ordforklaring:
CSOV = Construction Service Operation Vessel
Fire ULSTEIN SX216-nybygg til Acta Marine
Fire TWIN X-STERN havvindfartøy til Acta Marine er no i ulike fasar av bygging ved Tersan Shipyard i Tyrkia. Fartøya er designa av Ulstein Design & Solutions AS.
