I tillegg var Hovudredningssentralane (HRS Nord og Sør), sjøtrafikksentralen i Vardø (NOR VTS), Kystverkets beredskap for forurensing i Horten og forskingsstiftinga SINTEF med. HX Expeditions, som opererer MS Spitsbergen, kalla også saman sitt kriseteam frå hovudkontoret i London.
Øvinga testa heilt ny naudslepeteknologi som inneber nye metodar for å overføre slepet, mellom anna ved hjelp av sjødrone. Dette vil bidra til å auke tryggleiken for alle skip i norske farvatn. Det er sjeldan at så mange relevante aktørar deltek i ei fullskala, realistisk øving.
Kvart år driv mellom 140 og 170 skip utan eiga maskinkraft langs norskekysten.
Årsakene kan vere maskinproblem, vedlikehald eller propellskadar. Faren er at skipa driv inn mot kysten og grunnstøytar, med alvorlege konsekvensar som utslepp, tap av liv eller skade på utstyr og last.
Øvinga er ein del av eit større forskingsprosjekt, eit såkalla innovasjonsprosjekt i næringslivet (IPN), kalla EMTOW (Emergency Towing), finansiert av Noregs forskingsråd. SINTEF har vore prosjektleiar, med Ulstein Design & Solutions AS som prosjekteigar. Terje Våge, Ann Katrin Barstad, Knut Sigve Lillerovde og Børulf Lefdal har vore sentrale i Ulstein sitt EMTOW-arbeid.
Dette gir oss innsikt i korleis naudslep fungerer under realistiske forhold. Erfaringane gjer oss betre rusta til å utvikle løysingar som er trygge, enkle å bruke og tilpassa ein reell krisesituasjon.
