Lekter-ansvarleg - Heavy Lift

Ulstein Verft

Søknadsfrist: 19.05.24

Vil du jobbe med kranløft og transport i eit engasjert team?

Ulstein er eit familieeigd selskap som arbeider innan det maritime området. Vi designar, bygger og leverer løysingar til skip, samtidig som vi tilbyr eit breitt spekter av tenester innan ettermarknad. Vi likar å utfordre bransjen og kome opp med løysingar som reduserer miljøavtrykk og gir kundane våre konkurransefortrinn. Verdiane våre - å engasjere, innovere og avansere - bidreg til å skape eit godt arbeidsmiljø og gjer Ulstein til ein trygg og ansvarleg samarbeidspartnar.

Avdeling Heavy Lift ved Ulstein Verft spelar ei nøkkelrolle når ein skal flytte eller løfte tungt utstyr og seksjonar. Vi leverer krantenester, tungløft og transport med lekter. Ved å kombinere bruken av mobil beltekran som kan løfte opptil 600 tonn, lekter og multiwheeler utfører vi oppdrag både på land og langs kysten.
Heavy Lift har aukande aktivitet og søker derfor etter ein lekter-ansvarleg som ønsker å utvikle og skape resultat saman med oss.

Praktiske opplysingar:

Søknadsfrist: 19.05.24

Bedrift: Ulstein Verft AS

Arbeidsstad: Ulsteinvik

Tittel: Lekter-ansvarleg - Heavy Lift

Tal stillingar: 1

Fulltid / deltid: Fulltid

Tilsettingstype: Fast stilling

Ledig stilling: Lekter-ansvarleg - Heavy Lift

I over 100 år har vi utvikla framtidsretta produkt og tenester for den maritime næringa. Bli med på reisa vidare.

Søk her

Oppgåver du vil jobbe med

Køyring og ballastering av lekter
Vedlikehald av lekter med alt utstyr (motor, propell, m.v.)
Sertifisering av lekter og oppfølging mot klasse og Sjøfartsdirektoratet

Nødvendig erfaring og kompetanse for jobben:

Krankurs G1, G3 og G4
Truckførarbevis T4 OG t8
Teknisk utdanning eller tilsvarande erfaring
God tverrfagleg forståing
God teikningforståing
Praktisk handlag
Erfaring frå maritim industri vil bli tillagt vekt
Norsk og øvrig språkkompetanse vil kunne vere fordelaktig
Erfaring på Terex CC-2800_I eller andre mobile beltekraner
Erfaring frå kranoperasjonar
Overtid og reising i forbindelse med kran-operasjonar er forventa
Fleksitidsavtale

Kunnskap og erfaring som gjer jobben lettare

Mange av oppgåvene som skal løysast krev praktisk og teknisk forståing. Vi er ute etter deg som har operativ erfaring frå maritim industri, med god kjennskap til lekter operasjonar.

Lagånda står sterkt i Ulstein og saman skal vi hjelpe kvarandre og kundane våre, og gjere Ulstein til ein trygg og kjekk arbeidsplass. Med godt humør og vilje til å bidra vil du passe godt inn hos oss.

Kvifor velje Ulstein som arbeidsplass

Ulstein Verft byr på variert jobb, gode kollegaer og moglegheit for personleg utvikling. Ulstein er ein trygg arbeidsplass med gode HMS-verdiar, gode forsikrings- og pensjonsordningar og fleksitidsavtale for våre tilsette.

I hjartet av Sunnmøre

Om du treng å flytte for å jobbe i Ulstein, så er Ulsteinvik og kommunene rundt ein flott plass å bu i hjartet av Sunnmøre. Det er kort veg til kino, konsertar, badeland, klivrehall, restaurantar og butikkar. Omkransa av fjell og turterreng til fots, på sykkel eller ski. Og berre ein liten times reise til bylivet i Ålesund eller naturopplevingar i Sunnmørsalpane.

Kontakt

Jostein Sørnes
Section Leader Heavy Lift
Telefon: 992 51 705

May Kristin Myklebust
Production Manager
Telefon: 482 13 925

Sjå andre ledige stillingar

Om Ulstein

Ulstein er ein internasjonalt anerkjent leverandør av skipsdesign, skipsbygging og systemløysingar for skip. I meir enn 100 år har vi utvikla framtidsretta produkt og tenester for det maritime miljøet, og vår visjon er å skape morgondagens løysingar for berekraftige marine operasjonar. Ulstein har aktivitet i fleire land, med hovudkontor i Ulsteinvik på Sunnmøre.

Menneska i Ulstein er den viktigaste ressursen. Mangfald av ferdigheiter, personlegdomar, erfaring og bakgrunn skapar eit globalt team som kombinerer innovasjon, kvalitet og ekspertise.

Ulstein Verft utviklar og byggjer avanserte spesialfartøy mellom anna innan off shore olje og gass, havvind, RoPax og cruise, og har lang erfaring innan engineering, nybygg, installasjon, kommisjonering og oppgradering. Selskapet er ein del av forretningsområdet Shipbuilding i Ulstein, og held ein høg standard innan kvalitet, gjennomføring og leveringspresisjon.