Ulstein Elektro Installasjon AS har ein velfungerande produksjon med høg kompetanse og dyktige medarbeidarar som ivaretek våre lærlingar på ein god måte. Verdiane våre - å engasjere, innovere og avansere - bidreg til å skape eit godt arbeidsmiljø der vi har stor fokus på å utvikle din fagkompetanse.

Vi søker etter kandidatar innan Elektrikarfaget. Med oss vil du få fagopplæring etter læreplan, og erfarne leiarar vil fylgje opplæringa di fram til bestått fagbrev. Arbeidsoppgåvene vil vere varierte og kan blant anna vere:

• Varierande installasjonsarbeid om bord på skip
• Reparasjon og vedlikehald
• Dokumentasjon av arbeid og avvik

Kvalifikasjonar

• Fullført VG2

Personlege eigenskapar

Vi søkjer ein lærling som er initiativrik og tek ansvar for eiga læring og utvikling. Du bør ha ei fagleg interesse, og vere nysgjerrig på å lære nye ting. I tillegg vil samarbeidsevner vere viktig, ettersom du vil arbeide tett i lag med fagarbeidarar og andre lærlingar for å løyse oppgåver. Ei god HMS-haldning er essensiell for å sikre ein trygg arbeidsplass for deg sjølv og dine kollega.

Vi tilbyr

Med oss vil du oppleve eit godt lærling- og arbeidsmiljø der trivsel og utvikling står i fokus. Vi tilbyr fleksitidsordningar som gir deg moglegheit til å balansere arbeid og fritid. Gjennom heile året arrangerer vi ulike velferdsaktivitetar som bidreg til eit godt sosialt fellesskap og styrkar samhaldet blant våre tilsette. Blant anna arrangerer vi sportslege aktivitetar som fjelltur eller volleyballturneringar, sommarfest, julebord eller turar i nærområdet.

Det kan vere moglegheit for vidare arbeid etter fullført læretid.

Kontakt

Dagbjørn Myklebust
Head of Administration UEI
Telefon: +47 905 45 468
E-post: [email protected]

Hanne Notøy
HSE/Trainee Responsible
Telefon: +47 975 58 816
E-post: [email protected]