![Sveis](/imager/images/People/167640/sveis_190d57c8b464fcfa53a5beb7d87ddc38.jpg)
Operatør Rørsveising
Ulstein Verft
Søknadsfrist: 30.09.2024
Vil du jobbe med skipsbygging i eit engasjert team?
Ulstein er eit familieeigd selskap som arbeider innan det maritime området. Vi designar, bygger og leverer løysingar til skip samstundes som vi tilbyr eit breitt spekter av tenester innan ettermarknad. Vi likar å utfordre bransjen og kome opp med løysingar som reduserer miljøavtrykk og gir kundane våre konkurransefortrinn. Verdiane våre; å engasjere, innovere og avansere - bidreg til å skape eit godt arbeidsmiljø og gjer Ulstein til ein trygg og ansvarleg samarbeidspartnar.
Ulstein Verft har aukande aktivitet og søker derfor etter fagleg sterke kandidatar som har ei interesse for skipsbygging og skipsoppgraderingar, og som ønsker å utvikle og skape resultat saman med oss. Vi har gode produksjonsfasilitetar der arbeidet i all hovudsak føregår innandørs i vår utrustings- og dokkhall.
Intervju vil bli gjennomført fortløpande.
Praktiske opplysingar:
Søknadsfrist: 30.09.24
Bedrift: Ulstein Verft AS
Arbeidsstad: Ulsteinvik
Tittel: Operatør Rørsveising
Stillingar: 1
Heiltid / Deltid: Heiltid
Tilsetjingsform: Fast stilling
Ledig stilling: Operatør Rørsveising
I over 100 år har vi utvikla framtidsretta produkt og tenester for den maritime næringa. Bli med på reisa vidare.
Oppgåver du vil jobbe med
- Montering og sveising
- Reparasjon og vedlikehald
Kunnskap og erfaring som gjer jobben lettare
Vi ønsker å kome i kontakt med deg som har relevant utdanning innan mekanikk, teknikk eller industriell produksjon, og som har god produksjons- og teknisk forståing. I tillegg ønsker vi at du har sveisesertifikat MIG/MAG/TIG/Elektrode.
Det er også ønskeleg at du er fagleg interessert, og har gode kommunikasjons- og samarbeidsevner. Vi set pris på deg som er nøyaktig, kvalitetsbevisst og har ei god HMS-haldning.
Kvifor velje Ulstein som arbeidsplass
Ulstein Verft byr på varierte arbeidsoppgåver, gode kollegaer og moglegheit for personleg utvikling. Ulstein er ein trygg arbeidsplass med gode HMS-verdiar, gode forsikrings- og pensjonsordningar og fleksitidsavtale for våre tilsette. Med godt humør og vilje til å bidra vil du passe godt inn hos oss. Det er ei god kjensle å vere ein del av eit over 100 år gamalt selskap forbunde med kvalitet, pålitelegheit og leveringspresisjon.
I hjartet av Sunnmøre
Om du treng å flytte for å jobbe i Ulstein Verft, så er både Ulsteinvik og kommunane rundt ein flott plass å bu. Det er kort veg til kino, konsertar, badeland, klivrehall, restaurantar og butikkar. Omkransa av fjell og turterreng ein enkelt kan nå til fots, på sykkel eller ski. Ålesund er heller ikkje langt unna.
Kontakt
Vidar Hungnes
Department Manager Pipe & Machinery
Telefon: +47 909 60 746
![Ulstein Verft DJI 0125](/imager/images/34258/Ulstein_Verft_DJI_0125_4e2958073f72a203de067d9a635a8c59.jpg)
Om Ulstein
Ulstein er ein internasjonalt anerkjent leverandør av skipsdesign, skipsbygging og systemløysingar for skip. I meir enn 100 år har vi utvikla framtidsretta produkt og tenester for det maritime miljøet, og vår visjon er å skape morgondagens løysingar for berekraftige marine operasjonar. Ulstein har aktivitet i fleire land, med hovudkontor i Ulsteinvik på Sunnmøre. Konsernet har over 400 tilsette. Ulstein er ei lærlingbedrift og ei av hjørnesteinsbedriftene i kommunen.
Menneska i Ulstein er den viktigaste ressursen. Mangfald av ferdigheiter, personlegdomar, erfaring og bakgrunn skapar eit globalt team som kombinerer innovasjon, kvalitet og ekspertise.
Ulstein Verft bygger og leverer spesialfartøy i hovudsak innan offshoreenergi. Typiske prosjekt er bygging av avanserte skip med stor andel utrusting, som stiller høge krav til prosjektleiing, teknisk kunnskapsnivå og integrasjonskompetanse. Vår ekspertise innan engineering, installasjon og kommisjonering kjem til sin rett innan ettermarknadstenestene våre der vi leverer alle typar ombyggingar, reparasjonar og tørrdokkingar. Saman med Ulstein Elektro Installasjon er selskapet ein del av forretningsområdet Shipbuilding i ULSTEIN, og held ein høg standard innan kvalitet, gjennomføring og leveringspresisjon.