Aurora Expeditions er operatør for skipet, som er kalla opp etter den legendariske australske geologen og oppdagaren Douglas Mawson, og det toppmoderne fartøyet fører vidare Mawson si pionerånd.
Interiørdesignet er utforma av Tomas Tillberg Design med målsetting om å bringe naturen inn. Det to-etasjes atriet og dei spektakulære framovervendte baugvindauga gir fører naturen tett på, og skaper ein saumlaus overgang frå den lune atmosfæren inne til dei storslåtte landskapa utanfor. Fellesroma inkluderer to restaurantar, barar, eit utandørs oppvarma symjebasseng, boblebad, eit treningsrom og sauna, og velværeområde. Der er også ein biblioteksalong, eit vitskapssenter, og eit forelesingsrom. Observasjonsdekka har panoramautsikt til natur og dyreliv.
SunStone Ships er eigaren av ein serie Ulstein-designa cruiseskip, der Douglas Mawson er nummer sju. Desse skipa introduserte det patenterte X-BOW-designet til cruiseindustrien.
X-BOW forbetrar ekspedisjonscruiseopplevingane. Baugforma gjer at skipet skjer som ein kniv gjennom bølgene, og gir ei meir komfortabel reise ved å minimere slag og vibrasjonar, redusere støy og forbetre drivstoffeffektiviteten. Med X-BOW kan ein observere landskapet rett framfor skipet frå brua eller eit høgareliggande dekk ovanfor utan å lene seg framover.
Sjølv om alle SunStone-skipa i denne klassen er designa over same plattform, med ei lengd på 104,4 meter og ei breidd på 18,4 meter, er dei alle tilpassa for å romme ulike tal passasjerar og mannskap. Douglas Mawson har totalt plass til 300 personar. Fellesromma er også designa for å tilpasse seg kunden sine ønske.
Alle fartøya i INFINITY-klassen er bygde ved China Merchants Heavy Industry (CMHI) verftet i Kina.
Nøkkelfunksjonar:
- Berekraft: Mindre motstand på grunn av ULSTEIN X-BOW gir meir effektiv segling med redusert drivstofforbruk, og dermed lågare miljøpåverknad
- Komfort: ULSTEIN X-BOW er eit innovativt skrogdesign for rolegare segling, som minimerer slag og støy. Skipet har eit omfattande utval lugarar, inkludert enkeltlugarar, som sikrar ei komfortabel reise. Det er lagt vekt på store glas i skipsdesignet
- Baugsalongen: Dei store vindauga kring salongen i baugen fyller området med naturleg lys, og gir inntrykk av å vere ein del av omkringliggjande naturen.
Fasilitetar om bord:
- Oppvarma utandørs symjebasseng
- To boblebad
- Treningsrom og sauna
- Vitskapssenter
- To restaurantar og to barar
- Biblioteksalong og forelesingsrom
- Fleire observasjonsområde for panoramautsikt
