Dei to servicefartøya (SOV-skip) for Shanghai Electric Windpower Group er dei første dedikerte SOV-ane som har vore designa for den kinesiske havvindindustrien.
Ulstein sin site manager ved ZPMC-verftet Enwang Liu, saman med administrerande direktør Johannes Røren og sals- og marknadsdirektør Lucy Lu i Ulstein Marine Systems, ved sjøsettingsseremonien.- Ulstein sitt samarbeid med ZPMC-verftet går tilbake til 2012 då tungløftfartøydesignet ULSTEIN DLS 4200 vart konstruert der.
- Innreidd for høvesvis 60 og 100 POB, vil desse skipa kunne yte svært effektiv, robust og moderne havvindservice til sluttkundane.
Eit tett samarbeid mellom Ulstein, ZPMC-verftet og Shanghai Electric har lagt eit sterkt grunnlag for prosjekta.
Skipsdesignkontrakten mellom ZPMC Shipyard og Ulstein Design & Solutions AS vart signert i januar 2022.
Det andre skipet er av designtypen ULSTEIN SX197 og vart sjøsett 12. oktober 2023.
Dei to fartøya er av ULSTEIN SX195- og SX197-design og har kapasitet til høvesvis 100 og 60 personar om bord. Dei er dei første SOV-ane, forkortinga står for Service Operation Vessels, som er spesiallaga for havvindparkar i Kina, og er planlagde å kome i arbeid i 2024.
Dei to fartøya har dei karakteristiske Ulstein-designelementa, ULSTEIN X-BOW og X-STERN, og vil syte for svært effektive og solide operasjons- og vedlikehaldstenester (Operations & Maintenance – O&M). Med batteri installert vil fartøya ha mindre miljøpåverknad når dei gjer servicearbeid i fornybar-energisektoren.
Til stades på sjøsettingsseremonien var mellom anna utbyggjarar av havvindparkar i Kina, inkludert State Power Investment Corporation, Three Gorges Corporation ogChina Nuclear Power. Eigarane av havvindparkane verdset dei effektive, spesialdesigna SOV-ane, og ser fram til at dei kan ta til arbeidet på havvindparkane.
