Testen vart utført på ZPMC-verftet i Qidong, Kina, og det er første gong Ulstein-personellet har gjennomført krengeprøve på dette verftet. Testen vart leia av Radovan Gasparovic saman med Adrian Fotache frå Ulstein Design & Solutions, med støtte frå prosjektleiar Enwang Liu og assisterande prosjektleiar Ford Liu frå Ulstein sitt miljø i Shanghai.
- Alt gjekk bra, resultatet av krengeprøva var glimrande der vekta og VCG (Vertical Centre of Gravity) til skipet var akkurat som vi hadde venta. Samarbeidet med ZPMC-verftet var veldig godt, seier Adrian Fotache.
Det andre skipet for Shanghai Electric, eit ULSTEIN SX197-design, er også under bygging ved verftet, og krengeprøva for dette skipet er planlagt tidleg neste år.
Det var i januar 2022 at ZPMC-verftet og Ulstein Design & Solutions AS signerte ein designkontrakt på to ulike SOV-skip. Det er Shanghai Electric Windpower Group som skal ha skipa.
