- Fartøyet vart levert frå Ulstein Verft i november 2024 og har vore i arbeid sidan. Det opererer for tida utanfor Brest i Frankrike, ved Parc-Éolien-de-Saint-Nazaire, ein havvindpark med 80 vindturbinar, seier Olympic sin tekniske sjef Runar Stave.
- For alle dei ti fartøya våre som opererer i havvindmarknaden, sender vi ut eit omfattande spørjeskjema til kundane, som dekker aspekt som fasilitetar (innkvartering, komfort), bemanning, kvalitet - helse – sikkerheit (QHSE), operasjonelle eigenskapar (dynamisk posisjonering), operasjonell og teknisk oppfølging, med meir.
- Generelt har Olympic eit svært godt omdømme blant kundane. I 2024 fekk vi ein total score på 96,4, med 100 som høgaste moglege.
Foto: Salong med inngangen til messa.
Toppskår
- Olympic Notos, som vart levert på slutten av 2024, har no vore i arbeid i seks månader. Tilbakemeldingane for dette fartøyet er eksepsjonelle – skipet skil seg ut ved å få ein perfekt skår på 100! Fartøyet, fasilitetane, operasjonane – alt er topp. Det rører oss djupt – det er fantastisk å få ein slik toppskår frå kundane våre, avsluttar Stave.
Designa for lågt drivstofforbruk og høg komfort
Olympic Notos er eit søsterfartøy til Olympic Boreas, også levert frå Ulstein Verft i 2024. Fartøyet er designa av Ulstein Design & Solutions AS og er eit SX222-design, med plass til 126 personar, alle i lugarar med dagslys. Dei er dei første TWIN X-STERN®- fartøya som er leverte til no, med hovudpropellar framme og bak. ULSTEIN® POWER Variable Speed Generator (VSG) gjer kraftproduksjonen meir effektiv ved å operere med variabelt turtal på generatorar.
