Saman med vikingskip på pengeseddel
Den nye 100-kroneseddelen som kom i mai 2017, viser Gokstadskipet fremst, med eit offshorefartøy med X-BOW bak. Det viser Noreg sine lange linjer i skipsbygging, frå vikingskipa til dagens innovative skrogløysingar. Les heile historia.
To av dei sju andre deltakarane som var med i konkurransen om dei nye setlane, hadde også teikna inn X-BOW-designet i sine framlegg.
Nei, X-BOW er ikkje inspirert av vikingskip. Vikingskipa har ei relativt konvensjonell spanteform, typisk for eldre treskip, der ein slank forlenging av sjølve baugforma held fram over den eigentlege skrogavslutninga som pynt. ULSTEIN X-BOW® har derimot eit heilt lukka volum som går opp til brudekket. Eit vikingskip kan ikkje på same måte tillate neddykking av forskipet. Vi hentar inspirasjon frå science fiction, natur, arkitektur og teknologi, og målsettinga vår har vore å auke operabilitet, tryggleik og miljøvennleg drift. X-BOW er særleg nyttig i forhold der verforhold og bølger krev stabilitet og effektivitet.
Kyrkjearkitektur
Då arkitektkontoret Snøhetta, som står bak kjende prosjekt som 9/11-minnesmerket i New York og biblioteket i Alexandria – og baksida av Norges Bank sine nye sedlar, i 2016 presenterte teikningane sine til ei ny kyrkje i Ulsteinvik, kom det fram at X-BOW hadde gitt inspirasjon til arkitekturen:
- I prosessen med konseptutvikling samlar vi inspirasjon frå både lokale og fjernare referansar. Dei lokale referansane er viktige for å forstå staden vi jobbar og bidreg til å skape ei tilknyting mellom prosjekt og stad. I utviklinga av konkurranseforslaget Excelsior for Ulstein kyrkje var X-BOW ein av dei lokale referansane vi studerte. Båtforma er eit ikon på innovativ design og vi er svært begeistra for produktet og historia bak. Vi snakka også mykje om verftsindustrien generelt, og stål som material. Stålet fekk ei rolle i innvendige skilleveggar og utvendige forstøtningar, fortel prosjektleiar i Snøhetta, Margrethe Lund.
Skurk på film
X-BOW har også vore aktør på barnefilm. Baugdesignet dukka opp som skurken i animasjonsfilmen «Elias og jakten på havets gull».
- Dei tøffaste båtane i verda er x-bowen. Og på film er det skurken som er den tøffaste, fortalde filmprodusent John M. Jacobsen som ei forklaring på at storskurken, Polardronninga, og alle medhjelparane hennar er X-BOW-båtar.
