Dei visste kva vi snakka om frå dag éin. Det var ein god match.
SW Tasman var opphavleg designa og bygd som eit 3D-seismikkskip med tolv lyttekablar, også kalla streamerar. I samarbeid med Shearwater utførte Ulstein Design & Solutions redesign- og ingeniørarbeid for å utvikle det første seismikkskipet i Shearwater-flåten med to ROV-ar (fjernstyrte undervassfarkostar). Skipet har no blitt tilpassa til å sette ut nodar på havbotnen, både på djupt og grunt vatn, og det kan også levere høgkvalitetskjelder for undersøkingar og kan gjennomføre taua streamer-kartleggingar. Ein slik kombinasjon er unik i eit skip.
Kan plassere noder med berre eitt skip
- Skipet gjekk rett i arbeid etter ombygginga, og det er eit godt teikn, seier Mick Richardson, som er teknisk leiar ved Shearwater.
- SW Tasman fekk kontrakt på å gjennomføre streamer- og nodeundersøkingar i den norske delen av Nordsjøen. Ho har også arbeidd for ein annan kunde, med å plassere nodar utanfor Kristiansund. Alt vart utført av SW Tasman aleine.
Resultatet av konverteringa
- Konverteringa har gått skikkeleg bra. Eg uroa meg for korleis ho ville operere i dynamisk posisjoneringsmodus, men ytinga er verkeleg god. Vi har allereie opplevd dårleg vêr, og ho lever opp til forventningane våre, og overgår andre ROV-skip. Vi er også svært nøgde med korleis utstyrspakken har blitt sett saman. Det er gode interne logistikkløysingar i det området som har vorte oppgradert, noko vi hadde fokusert mykje på. Dette er eit konkret sikkerheitsspørsmål som inkluderer gode gangvegar, tilgangar og trapper, seier Richardson.
Ein god match
Gjennom ombyggingsprosjektet jobba to selskap saman som eitt team, der 'gjennomførbart' var det overordna målet.
- Ein kan ikkje bruke kven som helst til dette. Dette handla ikkje berre om å lage eit ROV-skip, men om å utvikle eit spesielt konsept. Skipet er stort nok til å ha helikopterdekk, og kom med ei pakke som femna om innreiing, instrumentromet og eit innelukka område i staden for ei kontainer-løysing på dekk, og vi skjønte at denne plattforma ville fungere, seier Richardson.
- Ideane kom frå alle vinklar, og vi hadde ein open og tydeleg dialog. Vi bidrog med den operasjonelle kunnskapen. Ulstein la til sine kunnskapar om skipstypen, generell designkunnskap, stabilitet og kapasitetskarakteristikkar, klasseforskrifter, ROV-ar og moglege løysingar. Dei visste kva vi snakka om frå dag éin. Det var ein god match.
Mannskapet er avgjerande; er dei nøgde, går operasjonane bra
Viss du skulle gjennomføre eit liknande ombyggingsprosjekt på eit anna skip, ville du velje dei same systema og løysingane igjen?
- Absolutt, berre litt justeringar her og der. Mannskapet seier dei er nøgde med dei endringane vi gjorde, og skipet fungerer bra i operasjonar, seier Richardson og understrekar:
- Mannskapet er avgjerande. Viss mannskapet ikkje hadde vore nøgde, ville vi ha streva med det operasjonelle. Men her høyrer vi positive ord frå alle.
