Kjølstrekk er ein viktig milepåle og markerer oppstarten på samansettinga av hovudkomponentane til eit nybygg. Nexans Electra er det andre skipet som er bestilt av Nexans ved Ulstein Verft, og ein oppdatert versjon av Nexans sitt flaggskip, Nexans Aurora, som vart levert i 2021.
- Det er med spenning vi følgjer denne viktige milepålen i bygginga av Electra og vi ser fram til å sjå det ferdige skipet, seier Marco Bregman, som er direktør for installasjon og tenester i Nexans.
ST-297-designet er utvikla av Skipsteknisk i Ålesund. Skroget blir bygd ved Crist i Polen, medan det resterande ingeniørarbeidet, utrustinga, systemintegrasjonen, utstyrsførebuingane, testinga, sjøprøvene og ferdigstillinga vil skje ved Ulstein Verft i Noreg.
Skipet har ei to-karusell-løysing og vil bli utrusta for legging av straumkablar. Det har kapasitet til å legge opp til fire kablar på same tid. Det kan arbeide effektivt også i krevjande vêrforhold, har eksepsjonell manøvreringsevne og evne til å halde seg på posisjon (dynamisk posisjonering – DP3), noko som gjer skipet til ein verdifull ressurs for Nexans.
Ved brennestartseremonien i januar 2024 var Nexans sitt prosjektleiar Frode Beyer, tilfreds med det nære samarbeidet mellom designarar, ingeniørar, verftet og reiarlaget, noko som har gjort det mogleg å starte bygginga til avtalt tid. Prosjektframdrifta held fram i samsvar med planen.
Namnet på skipet, Nexans Electra, vart valt gjennom ein intern namnekonkurranse hos Nexans, og er i tråd med selskapet sitt slagord: ‘Electrifying the future’.
- I dei komande månadene vil prosjektleiinga prioritere fleire nøkkelområde, seier Runar Toftesund, som er prosjektleiar ved Ulstein Verft.
– Vi følgjer tett opp skrogbygginga for å sikre god kvalitet på skroget, Utrustning og varmtarbeid vil bli gjennomført ved Crist og også ein del malingsarbeid. Parallelt med denne prosessen vil samarbeidet med Nexans og andre hovudleverandørar vere avgjerande for å sikre framdrifta.
Nexans Electra er 149,9 meter lang, 31 meter brei og har ei dødvekt på 17 000 tonn. Der er innreiing for opp til 90 personar.
Dette toppmoderne kabelleggingsskipet har imponerande eigenskapar:
- Ei splitta svingskive på dekk som kan halde opptil 10 000 tonn kabel.
- Ei svingskive under dekk med kapasitet for 3 500 tonn kabel
- Ein fiberoptisk kapasitet på 450 tonn.
