To søsterskip
Saman med søsterskipet Ocean Victory vil Ocean Albatros bli drifta av Albatros Expeditions.
Skipa har optimalisert hastigheit og drivstoffbruk, delvis på elektriske motorar, og er designa for å takle grov sjø ved hjelp av stabilisatorar og X-BOW-designet.
Som søsterskip til Ocean Victory vert Ocean Albatros bygd meir eller mindre med den same layouten, fasilitetar og skandinaviske designelement. Albatros Expeditions har bestemt seg for å redusere kapasiteten til dette skipet og samtidig tilby den same mengda dekksplass, med grunngjeving i at dette vil gi eit endå betre forholdstal mellom tilsette og passasjerar.
"Eit forholdstal på 1:8 er eitt av dei beste i vår bransje".
Albatros Expeditions
Skal vere klart til 2023-sesongen i Arktis
Ocean Albatros er basert på ULSTEIN CX103-designet er er eitt av skipa i SunStone Ships sin INFINITY-serie. Skipet skal vere klart til Arktis frå 2023-sesongen.
- Våre nyaste INFINITY-fartøy er ikke berre perfekte for småskala polarekspedisjonar, men er blant dei mest berekraftige skipa i marknaden, seier Albatros Expeditions.
