Esvagt Heidi launched

Leverte ‘ESVAGT HEIDI’

ESVAGT HEIDI (tidlegare Hermit Prosper) blei levert frå Ulstein Verft til ESVAGT fredag 17. desember 2021 til avtalt tid og leveringsomfang. Skipet gjennomførte prøvetur same helg, og gjekk så til Ålesund for testing av landstraumtilkoblinga.

Publisert
21 desember 2021
Del

– ESVAGT er svært nøgde med modifikasjonen av ESVAGT LEAH og ESVAGT HEIDI ved Ulstein Verft, og vi set pris på høg kvalitet i gjennomføringa og det proaktive samarbeidet med Ulstein Power & Control og Ulstein Verft gjennom heile prosessen for begge fartøya, seier Kristian Ole Jakobsen, viseadministrerande direktør (DCEO).

ESVAGT si pressemelding: - Eit skip du kan stole på

ESVAGT publiserte ei nyhetsoppdatering 7. januar 2022, etter å ha prøvd ut dei nye skipa i flåten:

- Begge er fine fartøy, og det har blitt gjort ein god jobb med å bygge dei, seier Jesper Møhring Madsen, kaptein på Esvagt Heidi:

- Frå design til handverk, det er kvalitet i alt. Alle skøytane, malingsarbeidet, røra - det er grundig arbeid heile vegen, seier han.

Hans Pauli vid Misá, som er kaptein for 'Esvagt Leah', er samd:

- Du kan sjå at det er eit fint og godt vedlikehalde fartøy, godt ivaretatt og tatt vare på. Det ligger godt på sjøen også, seier han.

Eit fartøy du kan stole på.

Både ‘Esvagt Leah’ og ‘Esvagt Heidi’ er X-BOW-fartøy av Ulstein sitt design. Den karakteristiske baugen gir eit stabilt fartøy i hardt ver. Dette er eit klart pluss i Nordsjøen, der det ofte vert kravd høg fart i motvind og dårleg ver. Begge kapteinane og maskinsjefane på skipa har vore om bord på skipa som nokre veker for å sjå korleis dei oppfører seg i operasjon. Hans Pauli vid Misá deltok då 'Esvagt Leah' gjennomførte ei lastleveranse i dårleg ver – ei verdifull oppleving, seier han:

- Vi såg kva fartøyet var i stand til under press. Det er eit fartøy du kan stole på og vere komfortabel med, og det er veldig hyggeleg å vite, seier han.

LES HEILE PRESSEMELDINGA FRÅ ESVAGT HER.

ERRV vessel ESVAGT HEIDI.
Esvagt Heidi ved utdokkinga frå dokkhallen ved Ulstein Verft.

Stor leveranse frå Ulstein Power & Control

Ulstein Power & Control har ein stor leveranse til desse skipa, og Per Olav Hansen er Ulstein Power & Control sin prosjektleiar.

– Vi var med om bord på prøveturen og testinga i Ålesund, og er no ferdige med første fase av vår leveranse, som omfattar installering av landstraumanlegg, installasjon av Energy Management System (EMS-system) og ei omfattande ombygging av tavler og endringar i automasjonssystema (Power Management og Integrated Automation). Neste fase for oss på desse prosjekta er å levere batterikonteinar våren 2022. Eit godt samarbeid på tvers i selskapa har gjort dette til eit godt prosjekt for heile Ulstein, seier han.

Tommy Norhagen er Ulstein Verft sin prosjektleiar.

- Dette har vore eit viktig prosjekt for oss. Vi er framleis i ein pandemi, og det er ein styrke for Ulstein at vi kan gjennomføre slike ombyggingsprosjekt ved eige verft og at vi greier å levere på tid, seier han.

Ta kontakt

Rolf Ottar Rovde DSC4480 comp bw

Rolf Ottar Rovde

Beskrivelse
Sales Manager
Tilknytning
Ulstein Power & Control AS
Martin Hansen DSC4357 comp bw

Martin Sundgot Hansen

Beskrivelse
Sales Manager Aftermarket
Tilknytning
Ulstein Verft AS

Siste nytt

Konseptdesign ULSTEIN THOR
Artikkel

Stor interesse for det Thorium-drivne fartøykonseptet ULSTEIN THOR

Etter lanseringa av skipskonseptet i april 2022, har marknaden vist ei enorm interesse for potensialet og kapasiteten til den Thorium-drivne ULSTEIN THOR. I ein polarcruisesamanheng kan ULSTEIN THOR åleine generere over 50 GWh energi i ein 150-dagars cruisekampanje. Det sparer meir enn 32 000 tonn i CO2-utslepp og vil kunne føre til ein betydeleg reduksjon av miljøavtrykket.

Rolf Ottar Rovde DSC4480 comp bw

Rolf Ottar Rovde

Sales Manager

Tilknytning
Ulstein Power & Control AS
Martin Hansen DSC4357 comp bw

Martin Sundgot Hansen

Sales Manager Aftermarket

Tilknytning
Ulstein Verft AS