IMG 0626

Tre ferjer på rad

Tre av batteriferjene til Fjord1 er i sommar innom Ulstein Verft for vedlikehaldsarbeid. Slike korttidsreparasjonar og oppgraderingsoppgåver er viktige for verftet når dokka er tilgjengeleg.

Publisert
13 august 2021
Del

Ulstein har lange skipsbyggingstradisjonar og har spesialisert seg på å bygge nybygg i verdsklasse, men tek også oppdrag som konvertering og oppgradering, ettermontering og reparasjonar.

Ferjene går til dagleg i sambandet Hareid-Sulesund, men treng no vedlikehaldsarbeid som krev bruk av tørrdokka.

- Vi er veldig nøgde med at Fjord1 gav oss dette oppdraget. Dette er verdifullt arbeid for oss når tørrdokka er tilgjengeleg, seier produksjonssjef ved Ulstein Verft, May Kristin Myklebust.

Dei tre ferjene hevar vasslinja så dei skal sandblåsast og måle opp att vasslinja. I tillegg skal ventilar inspiserast, pakningar bytast ut og anna arbeid gjerast etter at ferjene har vore i drift i 2,5 år.

- Vi har kunnskapen og fasilitetane, så vi vil meir enn gjerne få jobbe med fartøy gjennom heile livsløpet deira, påpeikar produksjonssjefen.

- Ulstein er kjent for design og bygging av nye fartøy. Det er noko vi skal fortsette med, men vi håper også at skipseigarar vurderer oss når dei treng vedlikehald eller konverteringsarbeid utført, seier May Kristin.

Ulstein har eit kompakt verft med dokkhall, tørrdokk og serviceverkstader på området for å sikre effektiv arbeidsflyt. Denne sommaren har Ulstein Verft utført fleire oppgraderingar og reparasjonar på fartøy, og til hausten skal ein i gang med eit stort konverteringsprosjekt av to plattformforsyningsfartøy til ERRV-batterihybridskip.

Fleire av oppgraderingsprosjekta krev eit tett samarbeid med skipsdesignerar frå Ulstein sitt designselskap og verftet sitt prosjekt-team. Det å ha denne kompetansen sjølve er ein stor fordel for å sikre kostnadseffektivitet og raske avgjersler.

Du kan lese meir om service og ettermarknad her.

Ta kontakt

Martin Hansen DSC4357 comp bw

Martin Sundgot Hansen

Beskrivelse
Sales Manager Aftermarket
Tilknytning
Ulstein Verft AS

Siste nytt

Ulstein
Pressemelding

Ulstein Digital blir med i Veracity-partnarnettverket for å fremje berekraftige maritime operasjonar

Ulstein Digital, eit nyetablert dotterselskap i Ulstein Group, vert ein del av DNV sitt partnarnettverk; Veracity. Partnarskapet gir ein saumlaus integrasjon mellom Ulstein sin dataplattform og Veracity, og overfører automatisk validerte MRV-data (Monitoring, Reporting, Verification). Denne automatiseringa reduserer manuelt arbeid vesentleg, og sparer tid og ressursar for maritime operatørar.

Ulstein
Pressemelding

Tre Ulstein-design vinn Work Boat World Awards for 2024

Tre av Ulstein sine skipsdesign er blant vinnarane av Work Boat World Awards 2024. Tamhae 3 vann prisen for 'Beste store forskingsfartøy', Olympic Boreas vart kåra til 'Beste CSOV' (vindstøtteskip), og JSD 6000 tok heim prisen for 'Beste Derrick Layer' (tungløft-/rørleggingsskip) frå Baird Maritime/Work Boat World. Desse prisane heidrar dei beste fartøya i sine kategoriar, vurdert ut frå design, byggekvalitet og funksjonalitet.

Martin Hansen DSC4357 comp bw

Martin Sundgot Hansen

Sales Manager Aftermarket

Tilknytning
Ulstein Verft AS