Salssjef ettermarknad Bjørn Harald Norvik i Ulstein Verft fortel at arbeidet som skal utførast vil involvere fleire av produksjonsavdelingane ved verftet, og vil halde fram om lag tre månader.
NKT Victoria vart bygd ved Kleven Verft og overlevert til kabelselskapet NKT i april 2017. Remøy Management driftar skipet. No er skipet tilbake til kommunen der det vart bygd for oppgradering, vedlikehaldsarbeid og 5-årsklassing.
- Vi er takksame for oppdraget vi har fått med NKT og Remøy Management og det passar fint inn med andre pågåande prosjekt ved verftet, legg salssjefen til.
Kabelleggingsfartøyet NKT Victoria ved Ulstein Verft for oppgradering og vedlikehald. Foto: Vikebladet Vestposten / Ole-Otter Høgstavoll
NKT Victoria i vinterlys- NKT Victoria ved ei av service kaiene ved Ulstein verft.
