28. april 2021 skulle bygg 146 ved Salthammer Båtbyggeri, ein båt for Finnsnes Dykkerservice, sjøsettast. Vi utførte jobben i samløft med hallkrana på Salthammer.
Båten hadde ei kalkulert vekt på 300 tonn, og løfteprosjektet skulle gjennomførast ved at Ulstein skulle løfte 210 tonn medan hallkrana skulle løfte 90 tonn. Løftet og transporten og sjøsettinga gjekk flott og heilt etter planen.
Vi kom til Salthammer med mobilkrana, Demag CC2800-1, lasta på lekter. Med løft frå sjøen har krana kapasitet til å løfte totalt 400 tonn.
Av vårt eige utstyr vart lekteren og mobilkrana brukt til dette oppraget.
Dajin Heavy Industry har valt ULSTEIN HX122-designet med hekkløysinga U-STERN® for eit nytt installasjonsfartøy. Skipet er designa av Ulstein Design & Solutions B.V. i Nederland. Det er optimalisert for installasjon av monopælar, jacket-fundament og offshore transformatorstasjonar, og skal møte den aukande etterspurnaden etter større og meir komplekse havvindprosjekt.
Jan De Nul har løyst ut opsjonen på det andre subsea-trenchingfartøyet som bygger på det skreddarsydde fartøysdesignet utvikla av Ulstein Design & Solutions AS. Avgjerda understrekar den sterke tilliten til designplattforma og vidareutviklar samarbeidet mellom dei to selskapa.
Drivstoffkostnadene aukar, utsleppskrava blir strengare, og reiarlag ser etter langsiktige energiløysingar. Ei konseptstudie frå Ulstein viser at ei kjernefysisk hybridløysing kan redusere bruken av konvensjonelt drivstoff med meir enn 50%, og i enkelte driftsmodus fjerne han heilt.
