TWIN X-STERN-løysinga inneber hovudpropellar både framme og bak, noko som gjer fartøyet i stand til å utføre raske operasjonar ved bemanna og ubemanna installasjonar med lågt drivstofforbruk. Med hybrid batteriframdrift og førebudd for grøn metanol som drivstoff er fartøyet designa for å møte framtidige miljøkrav, samtidig som det sikrar framifrå sjøeigenskapar og operasjonell effektivitet.
Skroget vart bygd ved Crist-verftet i Polen. Når det no har kome fram til Ulstein Verft startar utrustinga og oppstartsfasen, der avanserte system og utstyr skal installerast og testast før levering i 2026.
Fartøyet er ei allsidig plattform for havvind og andre offshoreoperasjonar, inkludert vedlikehald og byggestøtte. Med rørslekompensert gangveg og kranløysingar, optimalisert logistikk og stor lagringskapasitet er fartøyet skreddarsydd for trygg og effektiv drift i krevjande offshoremiljø.
