Passasjerane fortel oss stadig at dei mjukare rørslene med mindre slag og lågare støynivå gjer ein stor forskjell, spesielt på lange havkryssingar.
Katie Malone, Aurora Expeditions
Aurora Expeditions: Set ein ny standard for ekspedisjonscruse med X-BOW-design
Aurora Expeditions tok i bruk sitt tredje ekspedisjonscruiseskip med X-BOW – Douglas Mawson – i september 2025. – Mange av gjestene våre har reist med andre ekspedisjonsskip før og merkar straks forskjellen. Anten det er betre søvn, mindre vibrasjonar når dei lyttar til foredrag, eller meir tid i områda ein besøker – designet forbetrar opplevinga, seier Katie Malone, marknadsdirektør i Aurora Expeditions når ho skal forklare X-BOW.
Douglas Mawson markerer eit nytt kapittel for det australske cruiseselskapet. Dei vart dei første til å erfare Ulstein si X-BOW-løysing på cruiseskip, med leveringa av Greg Mortimer i 2019, eit dristig val på den tida. Oppfølgaren, Sylvia Earle, vidareførte arven – begge skipa blir lagt merke til når det gjeld komfort, yteevne og opplevingsbaserte reiser.
– Vi går inn eit nytt kapittel
– Med tre spesialbygde små cruiseskip kan vi tilby meir varierte ruter og nå nye reisemål, samtidig som vi held fast ved kjerneverdiane våre: ansvarlege reiser og tett kontakt med naturen, seier Malone.
Aurora har røtene sine innan polarekspedisjonar, men Douglas Mawson er bygd for meir. Reisemål inkluderer no tropiske og tempererte farvatn, mellom anna Indonesia, Sentral-Amerika og kystane av Europa, og gir passasjerane nye moglegheiter for tett-på-opplevingar.
– Desse områda har fantastisk biologisk mangfald og kulturarv, forklarar Malone. – Og skipet er designa for å gi den same engasjerande opplevinga med små skip i desse områda som vi tilbyr i Antarktis og Arktis.
- Observasjonsdekket på Sylvia Earle.
- Stilfulle og komfortable salongar og rom om bord i Sylvia Earle.
- Inngangen til biblioteket om bord på Sylvia Earle. Illustrasjon ved Tomas Tillberg Design.
Innovasjon som bidreg til komfort
X-BOW er ikkje berre eit designelement – det er ein filosofi. Ulstein har latt seg inspirere av naturen og korleis delfinar og spekkhoggarar glir gjennom vatnet. Denne tilnærminga reduserer motstanden i sjøen, drivstoffbruket og miljøpåverknaden. For Aurora er den største gevinsten komfort for passasjerane.
Designa for oppdagingar
Om bord på Douglas Mawson er det tydeleg at skipet er bygd for å oppleve naturen og omgjevnadene. Frå det toetasjes atriet til panoramasalongen framme – naturleg lys og kontakt med miljøet utanfor står sentralt. Skipet har også eit eige senter for vitskapsformidling – eit uttrykk for Aurora sitt engasjement innan praktisk forsking og utdanning.
– Vi har lagt til fleire enkeltlugarar for å ønske enkeltreisande velkomne, påpeikar Malone. – Og fellesområda er designa for å fremje openheit og kontakt med omgjevnadene.
Skipet inviterer til å vere nysgjerrig – anten ein speidar etter kvalar eller interesserer seg for havforsking.
Berekraft i praksis
Dei tre skipa speglar Aurora sitt engasjement for berekraft. Dei har drivstoffeffektive diesel-elektriske framdriftssystem, varmegjenvinning og X-BOW – alt bidreg til lågare utslepp og energibruk. Men berekraft for Aurora handlar også om skala og intensjon;
– Vi opererer med eit lite fotavtrykk, fortel Malone. - Maksimalt 130 passasjerar i polarområda og 154 på småskipscruisa, og vi set utdanning, forsking og naturvern i sentrum av reiseopplevinga.
- Det handlar ikkje berre om kvar du reiser – men korleis du reiser.
– Mange av gjestene våre har reist med andre ekspedisjonsskip før og merkar straks forskjellen. Anten det er betre søvn, mindre vibrasjonar når dei lyttar til foredrag, eller meir tid i områda ein besøker – designet forbetrar opplevinga
Katie Malone
