Kan vi redusere den økonomiske risikoen ved W2W-operasjonar?
Verda treng grøn energi, men høge kostnader er ei hindring. Prisane på råmaterialar og utstyr har meir enn dobla seg, noko som har stoppa mange prosjekt. Kan vi redusere den økonomiske risikoen i å utvikle havvindparkar og gjere walk-to-work-operasjonar (W2W) meir overkommelege?
Ein W2W-operasjon inneber å overføre personell og utstyr frå eit fartøy til ein offshoreinstallasjon. SOV-ar er i dag den mest effektive og føretrekte løysinga for service på havvindturbinar, og dei overgår CTV-ar når det gjeld sikkerheit, tilgjenge og komfort. Lange leveringstider og stigande kostnader på SOV-nybygg er ei utfordring. Samtidig vert det sett strengare krav til CTV-ar, mellom anna å halde lågare fart i verna område og å redusere utsleppa.
Ei ny tilnærming til W2W
Stordriftsfordelar har redusert kostnadene for SOV-ar, råmaterialar og utvikling av havvindparkar, men det er ikkje berekraftig å sjå på utbygging berre av store havvindparkar. Det er heller ikkje tilstrekkeleg å legge arbeid i å designe stadig mindre SOV-skip. Det trengst ei ny tilnærming til fartøyskonsept og operasjonar.
ULSTEIN SX250 - walk-to-work- fartøy- ULSTEIN SX250 er basert på TWIN X-STERN-løysinga, som gir høg operasjonsevne og utmerka sjøegenskaper.
- Fleksible løysingar for dekksutstyr på ULSTEIN SX250. Her med 1 stk Palfinger OPTS og 1 stk dotterfartøy
- To ULSTEIN SX250 som arbeider saman med ein ULSTEIN SX222 CSOV
Reduserer CAPEX og OPEX og opprettheld høg operasjonell kapasitet
Ulstein sitt designteam hadde som mål å utvikle eit W2W-fartøy som reduserer fartøyet sin CAPEX med minst 50 % samanlikna med ein SOV, og reduserer OPEX tilsvarande, medan ein opprettheld dei fleste av dei viktigaste funksjonane og operabiliteten.
Resultatet er ULSTEIN SX250.
ULSTEIN SX250
ULSTEIN SX250 introduserer ein ny logistikk i servicetilbodet på havvindparkar ved å fylle ut gapet mellom CTV-ar og SOV-ar. Eitt eller fleire SX250-fartøy kan støtte eit SOV-skip, der sistnemnde handterer dei største oppgåvene medan SX250 tek seg av dei mindre. Denne oppsettet møter servicekrava og opprettheld oppetida, og det gjer det mogleg med ei meir detaljert operasjonsplanlegging og fordeling av arbeidsmengda. SX250-designet er best eigna som den føretrekte løysinga for små og mellomstore havvindparkar, havvindparkar plassert i område med rolege eller moderate sjøtilstandar, eller i grunne farvatn. ULSTEIN SX250 er også eit ypparleg tilskot for å ta seg av dei ekstra vedlikehaldsaktivitetane som vanlegvis blir utført i sommarhalvåret.
Ordforklaring: OPEX (driftskostnader) dekker dei daglege utgiftene til å drive ei bedrift/drifte eit fartøy, medan CAPEX (kapitalutgifter) omhandlar investeringar i langsiktige eigedelar.
ULSTEIN SX250 er basert på TWIN X-STERN-løysinga, som gir høg operasjonsevne og utmerka sjøegenskaper. Skipet er 47 meter langt og 12,5 meter breitt. Det har plass til 32-40 personar (POB), har ei maksimal fart på 10 knop, og kan operere i forhold opp til 2 meter signifikant bølgehøgde.
Tryggleik er ein hovudprioritet, der personell og utstyr vert overført via ei korg i eit passasjertransportsystem (Offshore Passenger Transfer System (OPTS), Bring-to-Work-system), eller ved bruk av ein konvensjonell gangveg.
Fleksible løysingar for dekksutstyr
Fartøyet kan bli tilpassa med ulike arrangement og dekksutstyr til ulike operasjonelle behov, som lett kan skiftast ut og erstattast for nye oppgåver. Konseptet er basert på eksisterande hyllevare og teknologiar for å sikre effektive W2W-operasjonar medan ein reduserer CAPEX og OPEX.
Avhengig av operasjonelle behov, kan ulike oppsett inkludere eit gangvegsystem for personell/varer, eit mindre fartøy (daughter craft), ein lagringskonteinar på dekk, ein arbeids- eller observasjons-ROV, eller ein hurtiggåande redningsbåt/arbeidsbåt.
ULSTEIN SX250 er designa for å møte behova til havvindserviceindustrien, og er ei kostnadseffektiv og allsidig løysing. Det er også meir miljøvennleg; Ved konstruksjonen av nybygget vert materialforbruket vesentleg redusert samanlikna med ein SOV, og tilsvarande gir det redusert drivstofforbruk når det er i arbeid. Den reduserte energibruken legg til rette for overgangen til nullutsleppsoperasjonar ved å mogleggjere integrering av alternative drivstoff.
Ved å redusere miljøavtrykket, svarer ULSTEIN SX250 på krava til industrien på meir berekraftige operasjonar.
Fyll gapet i W2W-operasjonar med ULSTEIN SX250
ULSTEIN SX250 tilbyr ei smartare, meir fleksibel og berekraftig løysing for walk-to-work-operasjonar i offshore vind- og olje- og gassindustrien, og byggjer bru mellom CTV-ar og SOV-ar.
Ta kontakt om du vil vite meir om ULSTEIN SX250.
