I Ulstein gjer vi visjonar om til verkelegheit, og vi skal vere ein pådrivar for framgang i den maritime næringa.
Gjennom nyheitene og artiklane våre kan du lære meir om korleis vi jobbar i lag med kundar og partnarar og skaper konkurransekraft i næringa.
Det nyleg leverte havvindskipet Olympic Boreas har på Den Maritime Klyngekonferansen i Ålesund blitt tildelt prisen 'Årets maritime innovasjon.' Det toppmoderne fartøyet vart levert til Olympic i juli, og er utvikla i samarbeid med reiarlaget og fleire av selskapa i Ulstein Group. Eit søsterskip er under bygging ved Ulstein Verft.
Konstruksjonsstøttefartøyet (CSOV) "Olympic Boreas" med planlagt levering frå Ulstein Verft i 2024, er nominert til prisen "Årets skip 2024" av juryen i Skipsrevyen.
Den 20. juni 2023, på messa Electric & Hybrid Marine Expo Europe i Amsterdam, vart ULSTEIN THOR annonsert som vinnaren av prisen Concept Vessel Design of the Year.
Den 6. juni 2023 fekk Bluewild, Ulstein Design & Solutions og Westcon utmerkinga 'Årets Skip 2023' for fabrikktrålaren ECOFIVE. Grunngjevinga er at skipet byr på banebrytande teknologi med fleire nyvinningar som samla gjer fiskeflåten grønare.
Den 20. oktober 2022 fekk Ulstein prisen som 'Årets industridesignselskap'. Juryen uttalte at Ulstein Group har ‘design som ein del av sitt DNA. Verda står overfor enorme utfordringar, og selskapet jobbar med å løyse desse utfordringane ved å tenke nytt og jobbe på tvers av fag og bransjar’.
Fabrikktrålaren ECOFIVE skal gi langt lavare miljøavtrykk, betre fiskekvalitet og tryggare arbeidsmiljø. På opningsseremonien av Nor-Fishing 23. august vart ECOFIVE kåra til vinnar av Innovasjonsprisen.
Ulstein har vorte kåra til 'Beste Industridesignselskap 2019'. I følgje juryen er selskapet "Eit vågalt selskap med solid erfaring og med ein sterk IPR-strategi. Dei er fleksible, og har gått frå olje til havvind og berekraftige løysingar. Det karakteristiske designet deira er havet sitt svar på den ikoniske Coca-Cola-flaska."
Verdas største plug-in hybridfartøy, Color Hybrid, er utnemnd til 'Årets Skip 2019'. På vegner av Ulstein Verft tok konsernsjef Gunvor Ulstein i mot prisen frå HKH Kronprins Haakon på Nor-Shipping-messa 4. juni 2019.
Ulstein vann 15. november 2017 DOGA-prisen (tidlegare: Merket for God Design), for Ulstein sine marine automasjonssystem basert på X-CONNECT®-arkitekturen. Systema femner for tida om ULSTEIN IAS og ULSTEIN AMS. Ulstein fekk utmerkinga saman med EGGS Design.
Ved opningsseremonien til Nor-Shipping-utstillinga, blei plug-in hybridskipet «Color Hybrid» kåra til vinnar av Next Generation Ship Award. Prisen vert delt ut annakvart år. Fartøyet er designa av Fosen Yard og vert bygd av Ulstein Verft for eigaren Color Line. Prisen blei utdelt av H.K.H Kronprins Haakon.
Då Aftenposten bad lesarane om å nemne dei viktigaste norske innovasjonane gjennom dei siste hundre åra, vart ostehøvelen stemt fram som nummer 3, skipsbaugen X-BOW som nummer 2, og barnestolen Tripp Trapp som nummer 1. Medan einaren og trearen på lista er hushaldsartiklar, er X-BOW ein design brukt i industrien.
Siemens Wind Power, BS Offshore og Ulstein Group vart tildelte OSJ Offshore Renewables Award 2017 for SOV-skipet 'Windea La Cour'.
Ulstein Group ASA