Skipsbyggingsprosjektet Nexans Electra nærmar seg sluttfasen i dokka før det omfattande arbeidet held fram ved kai fram mot prøvetur våren 2026. Korleis organiserer ein arbeidet for hundrevis av arbeidarar, underselskap og leverandørar i mange månader for å få prosjektet ferdig på tid og på budsjett? Bli med på reisa saman med prosjektleiar Runar Toftesund ved Ulstein Verft.

Det Ålesund-baserte selskapet Blue Ctrl gjer strategiske endringar i leiinga for å styrke selskapet sin vidare vekst og posisjon i den maritime teknologinæringa. Den 1. november startar Marielle Furnes Mannseth som dagleg leiar i selskapet. 

Aurora Expeditions tok i bruk sitt tredje ekspedisjonscruiseskip med X-BOW – Douglas Mawson – i september 2025. – Mange av gjestene våre har reist med andre ekspedisjonsskip før og merkar straks forskjellen. Anten det er betre søvn, mindre vibrasjonar når dei lyttar til foredrag, eller meir tid i områda ein besøker – designet forbetrar opplevinga, seier Katie Malone, marknadsdirektør i Aurora Expeditions når ho skal forklare X-BOW.

Ulstein Group fekk prisen ‘Teamwork of the Year 2025’ under IDC-konferansen i Ålesund den 16. oktober 2025. Juryen uttalte: «Ulstein Group har bygd ein kultur der alle fagområde er like viktige. Resultata talar for seg: framtidsretta fartøy som møter både kommersielle og samfunnsnyttige mål. Ulstein viser korleis tverrfagleg samarbeid kan skape banebrytande løysingar i maritim sektor, og har ei sterk evne til å samle designarar, ingeniørar og nøkkelpersonell i utviklinga av heilskaplege konsept som kombinerer teknologi, funksjon og estetikk. Samarbeid på tvers av fag og aktørar – frå lokale partnarar til internasjonale kundar – gir innovasjon med global betydning.»

I oktober 2025 var Edda Freya innom Ulstein Verft for ei mobilisering på svært kort varsel. I tillegg til mindre oppgåver som skulle utførast, skulle den 350 tonn tunge krana flyttast. 

Det totale talet på walk-to-work (W2W)-fartøydesign og redesign frå Ulstein er no 22, der 16 av dei er i arbeid. I snitt utfører desse fartøya vedlikehald og reparasjon på over 5 000 turbinar – kvart år! Det utgjer over 95 000 gangvegoverføringar!

Ekspedisjonscruiseskipet Douglas Mawson vart levert 9. september 2025. Fartøyet er bygd ved CMHI-verftet i Kina for SunStone Ships og leigd ut til Aurora Expeditions. Med denne leveringa er endå eit ULSTEIN CX103-design klart for å utforske polare strøk, avsidesliggande kystar og verdsomspennande reisemål.

Bernhard Schulte Offshore (BS Offshore) sitt nyaste havvindserviceskip, WINDEA Clausius, vart levert frå Ulstein Verft den 5. september 2025.

Regjeringa har kunngjort at dei går inn for å kjøpe britiske fregattar. Ulstein har samarbeidd med det tyske selskapet TKMS i eit forsøk på å sikre kontraktane. 

Forretningsområdet marinEV i Yinson GreenTech, som leverer maritime elektrifiseringsløysingar i Singapore, har inngått samarbeid med Blue Ctrl AS, ein norsk programvareleverandør innan maritime system. Samarbeidet inneber at Blue Ctrl sin X-CONNECT-plattform blir introdusert i den maritime marknaden i Singapore.

I 2024 inngjekk det nyetablerte selskapet Prohav eit strategisk samarbeid med Ulstein Design & Solutions om å utvikle ein ny generasjon bløggebåtar. Samarbeidet har resultert i designet ULSTEIN FX501.

Dei norske verfta har samla seg om ein felles appell. Med rett politisk støtte kan vi sikre tusenvis av arbeidsplassar langs kysten, styrke nasjonal beredskap og ta ei leiande rolle i den grøne maritime omstillinga. 

Fredag 15. august 2025 kom skroget til eit nytt havvindserviceskip av typen CSOV fram til Ulstein Verft. Dette markerer eit nytt steg i prosessen mot ferdigstillinga av det toppmoderne fartøyet, som har vorte utvikla for å støtte energieffektive havvindoperasjonar med høg yteevne.

Ulstein Verft har inngått kontrakt med Olympic om å byggje om Olympic Notos, tilpassa oppdrag for ubemanna innretningar på norsk kontinentalsokkel. Prosjektet gir mykje arbeid til Ulstein.

Van Oord og Ulstein samarbeider om utviklinga av eit neste generasjons fartøy for undervass steininstallasjon (subsea rock installation - SRI).