I Ulstein gjer vi visjonar om til verkelegheit, og vi skal vere ein pådrivar for framgang i den maritime næringa.
Gjennom nyheitene og artiklane våre kan du lære meir om korleis vi jobbar i lag med kundar og partnarar og skaper konkurransekraft i næringa.
Den 23. juni 2026 leverte Hanwha Philly Shipyard steininstallasjonsskipet Acadia til Great Lakes Dredge & Dock. Det første fartøyet av sitt slag under amerikansk flagg er designa av Ulstein Design & Solutions B.V. i Nederland.
Bygginga av det første av to avanserte fiberoptiske kabelleggingsfartøy for OMS Group, CS Resilience, er offisielt i gang etter brennestarten 7. juli 2026. Skroga blir bygde ved CRIST i Polen, medan ferdigstilling, utrusting og testing skal utførast ved Ulstein Verft i Ulsteinvik.
Om bord på eit typisk havvindserviceskip tilbyr skipslegen sjøsjuketablettar og tørre kjeks til dei mindre sjøvande teknikarane. På Windea Carnot er derimot behovet for sjøsjukemedisin nesten nede på null, i staden har iskremmaskina med tre smakar blitt eitt av dei mest populære tilboda.
Med leveringa av Windea Clarke frå Ulstein Verft 2. juli 2026 styrkar Bernhard Schulte Offshore (BS Offshore) kapasiteten sin innan offshoreenergi. Havvindserviceskipet er det fjerde som reiarlaget har fått levert frå Ulstein det siste året.
Kabelleggingsskipet Nexans Electra, havvindserviceskipet Windea Carnot, og energibyggingsfartøyet Rem Pioneer er bygde ved høvesvis Ulstein Verft og Myklebust Verft, som begge held til i den maritime klynga på Nordvestlandet. Alle skipa er no nominerte til Årets Skip.
For skip i arbeid er det avgjerande at systema fungerer optimalt, også mange år etter levering. På eit nyleg serviceoppdrag i Brasil på Sea1 Marataizes sende Ulstein Power & Control ein av sine mest erfarne serviceingeniørar saman med ein av dei ferskaste for å sikre kompetanseoverføring og kontinuitet.
Ulstein Group hadde driftsinntekter på NOK 3,0 milliardar og eit driftsresultat på NOK 219,2 millionar i 2025.
Ulstein Digital lanserer to KI-baserte løysingar som automatiserer miljørapportering: ei MRV-løysing for EU/UK MRV og EU ETS og ei NOx-løysing for rapportering i norske farvatn. Målet er å redusere manuelt arbeid, risiko for feil og ressursbruk, både om bord og på land.
Acta Marine har overtatt Acta Gemini, det tredje fartøyet i ei serie på fire ULSTEIN SX216-konstruksjonsstøttefartøy for havvind (CSOV)* med ULSTEIN TWIN X-STERN®-design.
Ulstein Verft har levert DP3-kabelleggingsfartøyet (CLV) Nexans Electra til Nexans. Fartøyet styrkar Nexans sin kapasitet til å støtte den globale energiomlegginga gjennom installasjon av avanserte undersjøiske kraft- og kommunikasjonskablar.
Ombygginga av Olympic Notos er no fullført ved Ulstein Verft. Etter offshoretesting og siste justeringar er fartøyet snart klart for å starte i arbeid.
Ettermarknadsarbeidet i Ulstein Verft skjer stadig oftare ute hos kundane. Nyleg utførte eit serviceteam leia av områdesalssjef på ettermarknad, Hans Ole Låbakk, naudsynt arbeid om bord på Hurtigrutens Trollfjord i Bergen.
Ombygging og remobilisering av fartøy krev meir enn teikningar og utrekningar. Nyleg arbeid på Orient Adventurer, som no blir førebudd for kabellegging, viser kor avgjerande inngåande kunnskap om fartøyet si operasjonelle historie er for å kunne levere sikre, klassegodkjende løysingar. Gjennom ettermarknadstenestene til Ulstein støttar vi komplekse skipsoppgraderingar med ingeniørkompetanse innan stabilitet og vekt. Det inkluderer planlegging og gjennomføring av krengeprøver for ombyggings- og levetidsforlengingsprosjekt.
Tysdag 24. mars blei ei omfattande redningsøving gjennomført i havet utanfor Lofoten der eit nytt naudslepesystem for skip vart testa. Cruiseskipet MS Spitsbergen med 150 passasjerar om bord, Kystvaktskipet KV Barentshav og 330- skvadronen sitt redningshelikopter SAR Queen deltok.
Korleis veit ein at eit nytt fartøydesign faktisk vil fungere i røff sjø og krevjande operasjonar? Svaret ligg i grundig etterprøving, uavhengig testing og dokumentert yteevne. Nyleg vart eit nytt design for kabelleggingsskip testa i eit storskala havbasseng hos SINTEF Ocean. Resultata gav nettopp det Ulstein er ute etter: tryggleik for at designet held det det lovar.