Den 26. juni 2025 fekk Bernhard Schulte Offshore (BSO) overlevert det toppmoderne havvindserviceskipet WINDEA Curie, byggnummer 320, frå Ulstein Verft.

Ulstein Group hadde i 2024 ei omsetning på 3,1 milliardar kroner og eit driftsresultat på 198,8 millionar kroner. 

Ulstein Group og Larsnes Mek. Verksted jobbar saman om å kunne levere dei 28 standardfartøya for Sjøforsvaret. Dette markerer starten på eit tett samarbeid mellom to av Noregs mest erfarne og moderne verft, med mål om å levere framtidas marinefartøy til Forsvaret.

Ulstein Digital, eit nyetablert dotterselskap i Ulstein Group, vert ein del av DNV sitt partnarnettverk; Veracity. Partnarskapet gir ein saumlaus integrasjon mellom Ulstein sin dataplattform og Veracity, og overfører automatisk validerte MRV-data (Monitoring, Reporting, Verification). Denne automatiseringa reduserer manuelt arbeid vesentleg, og sparer tid og ressursar for maritime operatørar.

4. juni 2025: Megamas Resources har skrive ein skipsdesignkontrakt med Ulstein Design & Solutions AS for å starte opp engineering (detaljdesign) av eit fiberoptisk kabelleggingsfartøy (CLV), planlagt for bygging ved Lloyd Werft Bremerhaven GmbH. 

Tre av Ulstein sine skipsdesign er blant vinnarane av Work Boat World Awards 2024. Tamhae 3 vann prisen for 'Beste store forskingsfartøy', Olympic Boreas vart kåra til 'Beste CSOV' (vindstøtteskip), og JSD 6000 tok heim prisen for 'Beste Derrick Layer' (tungløft-/rørleggingsskip) frå Baird Maritime/Work Boat World. Desse prisane heidrar dei beste fartøya i sine kategoriar, vurdert ut frå design, byggekvalitet og funksjonalitet.

Samarbeidet mellom Ulstein og thyssenkrupp Marine Systems (tkMS) er eit strategisk løft for den norske maritime industrien.  tkMS er ein av fire gjenverande aktørar i dette store prosjektet, og dette er det einaste europeiske alternativet som inkluderer bygging i Noreg.

Olympic sitt nyaste havvindskip, CSOV-skipet 'Olympic Notos', har vore i drift i seks månader sidan levering, og tilbakemeldingane er  framifrå.

På Undersea Defence Technology-konferansen 26. mars 2025 signerte thyssenkrupp Marine Systems og Ulstein Verft ein intensjonsavtale om felles innsats for å levere dei neste avanserte fregattane til den norske marinen.

Den 11. mars 2025 kom skroget til byggnummer (bnr) 321 for BS Offshore fram til Ulstein Verft. Dette markerer starten på ein ny fase i skipsbygginga. Skipet er designa av Ulstein Design & Solutions AS for såkalla 'walk-to-work'-operasjonar (W2W) der personell går over ei rørslekompensert gangbru frå skipet til ein vindturbin.

Søndag 23. februar 2025 vart byggnummer 320 sjøsett ved Ulstein Verft. Skipet er eit havvindserviceskip av typen 'Commissioning Service Operation Vessel' (CSOV) for BS Offshore.

Ankerhandteringsfartøyet Odin Viking (sjå bilde) kom til Ulstein Verft 1. februar 2025 for å installere eit Launch & Recovery-system (L-LARS) frå Evotec i Ulsteinvik.

Dagens havvindparkar vert drifta av små dagsturbåtar, 'Crew Transfer Vessels' (CTV-ar) eller helikopter, eller av serviceskip av typen Service Operation Vessels (SOV-ar) for lengre periodar som krev overnattingskapasitet. Enn om der fanst ein CAPEX-smart design som reduserer byggjekostnadene med meir enn 50 % samanlikna med ein SOV og som kan supplere SOV-ane på dei fleste oppgåvene?

Japanske Penta-Ocean Construction har gitt Ulstein Design & Solutions B.V. , Rotterdam, oppdraget med å designe sitt nye tungløftsfartøy for installasjon av havvindfundament. Skipet er basert på ein versjon av designet ULSTEIN HX118 og vil ha ei 5 000-tonns kran frå Huisman og hekkforma ULSTEIN U-STERN™, som gjer det mogleg å installere dei stadig større monopålefundamenta.

Ulstein Design & Solutions AS har signert sin største ettermarknadskontrakt til no for kabelleggingsfartøyet Orient Adventurer. Kontrakten med Dong Fang Offshore (DFO) omfattar både design og engineering, med bidrag frå fleire av selskapa i Ulstein.